Ve amwe ala makaamuka MWAKINI na NTHONI na KUVUTHW’A kutakathela. “Na aingi ma ala makomaa kitooni kya nthi nimakaamuka, amwe kuvika thayu utathela,na amwe kuvika kusonoka na kuvuthw’a kutakathela.” – Ndanieli 12:2.  Aa makasililwa, na kutumwa mathi iiani ya mwaki nthini wa nthoni kwoondu wa nai syoo. Aa makambiliilya KWIW’A THINA WA USILILO, makithatia thayu usu wa kwikalaa mwakini. Aingi ma aa muminukilyo woo ukeethiwa mwakini nundu wa IVITYO yeekiwe ni “Nguthu” nyingi ila iutavan’ya uvoo umunthi kila vandu kwendana kwikw’oka eka utangiio. Ti kwenda kwa Ngai Mutheu atume umwe athi MWAKINI lakini nundu nikwiyendea kwa kulea Yesu. UW’O wa maundu ni kana Ngai akasilila a la mamuleile YESU kuthi thinani wa MWAKI TENE NA TENE. Undu uu ni wa vata ula Aingi maitye. Ngai NDATWAA mundu ona umwe mwakini . Oombie kila umwe waitu na utonyi wa Kwitwiiaa motwi etha nituuthi mwakini, twithi nundu wa ithyi UKWITWIIA kuthi vau. Mbivilia nineenete nesa undu wa nzia ya ituni-indi yendaa ni kana ithyi tualyuke kuma NAINI SITU, NA TUYUMBULA, na KUMUIKIIA YESU. Mwene nai ula uleaa wiwanithyo wa nthakame ya Yesu ongelelaa usililo. "Nundu ituvi ya nai ni kikw’u; indi muthinzio wa Ngai nithayu utathela nthini wa Klisto Yesu Mwiaii waitu.” Alomi 6:23 "Nikwithiwa ethiwa ukamumbula Yesu nakanyw’a waku kana niwe Mwiaii, na ukeetikila ngooni yaku kana Ngai niwamuthayuukisye kumumya akwuni, ukatangiiwa. – Alomi 10:9 “Indi maandiko nimavingiite maundu onthe ungu wa nai, ni kana watho kwondu wa muikiio nthini wa Yesu Klisto, utonye unengwa ala metikilaa.” Akalatia 3:22 Ngai nunengete kila umwe waitu ivinda yitoetye ya kwiwa uw’o wa ndeto yake ila utwonasya nzia ya ukilya kikw’u vinya. Ngai NDEKWENDA WE wiyumbanisye savali ya kuthi mwakini. Endaa oonthe mavikie ualyuko wan ngoo. “O mundu ula usyaitwe ni Ngai ndekaa nai, nikwithiwa mbeu yake itwie nthini wake: na ndatonya kwikaa nai, nikwithiwa nusyaitwe ni Ngai”. 2 Vetelo 3:9 |