 Thayu waku na moosuanio maku makalika thinani na kwambiia kwilila nundu wa kutwaa amwe MWAKINI. Nutonya kwithiwa wendete andu maku na anyanyau indi ethiwa NDWAAMWOSA YESU, na KWITHUUKISYA KWIKA ndeto yake, UKAKW’A na kuthi mwakini. Ukathinw’a muthenya na utuku uimanya kana andu maku na endwa maku makakuatiia MWAKINI nundu:
Ndwaa mamanyisya uvoo wa YESU.Niwaleile kumatwaa ikanisani yila yimanyiawa mbivilia nesa. Wamamanyinyiisye MOMANYISYO MA UVUNGU. “Na vamwe na uu w’on the, kati wenyunaitu niveekitwe itw’iku inene, ni kana ala mendaa kuma vaa mainganisye vau maikatonye, na ala me kuu mikainge kuka vala tui. Nake asya, indi, asa, ninguuvoya umutume nyumba kwa asa wakwa; nundu nina ana-a-ia makwa atano; ni kana amanenge ukusi, matikoke vaa vandu va kinyamaio. Indi Avalaamu asya, Me na Mose na athani; mamethukiisye mo. Nake asya, Aiee, asa Avalaamu: indi umwe auma akw’uni athi vala mai, makaalyula ngoo. Nake amwia, malea kwithukiisya Mose na athani, o na mundu auma akw’uni, matiketikila.” – Luka 16:26-31 Ukalilikana nai syaku na mavinda ala WE waleile veva mutheu aikwoneleelya nai na vata waku wakumwosa Yesu ethiwe mutangii waku. Ukalilikana undu etikili mautavisye WE undu wa nzia ya utangiio. Nuulilikana undu Avalaamu watavisye muthwii ula wai mwakini, “LILIKANA”? “Indi Avalaamu asya, Mwana wakwa, lilikana niwanengiwe moseo maku yila wai thayu, na ta uu Lasalo maundu mathuku: nayu nuukiakiiw’a vaa, naku nukunyamaw’a.” Luka 16:25 |