E ngima ni ma sani in gi geno mar nindo nindo ma alanda chieng’ jumapil ( Yaye un jo mofuwo) e kitandani man gi mattress kod pillow mayom. Ka dipo poki keto genoni kata yie mari kuom YESU Kristo mondo owar chunyi, kindi thi mabor ma chieng’ moro kok itang niyudri kichiewo e KAR SAND! En KAMA ONGE yueyo. Muma wacho niya kanyono en mana kar sand odichieng’ kod otieno manyaja chieng’

"To Jachien, mane owuondogi ne owit e ataro mar mach maliel mager, kama ondiek malichno gi janabi majawuondno nowitie. Kanyono nosandgie odiechieng' gi otieno nyaka chieng'. - Fweny 20:10

Ji biro nyalo NENO, WINJO, MULO, BILO,kendo NG’WEYO e KAR SAND. Wang’eyo mano nikech sigana mar jamoko e kitap luka 16:19-31 “noting’o wang’e kisande malit “NONENO” Ibrahim “NOWINJO” dwol mare, “Nokok” nikech ne en girem e ligegani, ne en gi “RIYO” mar pi, kendo “NO NG’WEYO” ataro ma liel gi ligek mach. (Fweny 21:8)

Wach maber mar mor kuom jogo moyier en niya Yesu osolosonu kar DAK.:

"Dhorangeye apar gariyogo ne gin kite mag lulu ma nengogi tek, kendo dhorangach ka dhorangach nolos gi lulu achiel achiel moriwore. Yor dalano ne dhahabu lilo marieny maler ka glas. To ne ok aneno Hekalu ie dalano, nikech Ruoth Nyasaye Manyalo Gik Moko Duto kod Nyarombo ema obedo Hekalu mare. Dalano ok dwar chieng' kata due mondo orienyne, nimar dwong' Nyasaye ema miye ler, kendo Nyarombo e tache. Ogendini mag pinje nowuothi e lerne, kendo ruodhi mag pinje nokel bergi e iye. Dhorangeyene ok nolor odiechieng' moro amora, to otieno bende ok nobedie ngang' kuro. Duong' gi mwandu mag ogendini mag pinje nokel e iye. To gimoro amora ma ok ler, kata ng'ato matimo gik mamono, kata mariambo, ok nodonjie, makmana jogo ma nying-gi ondiki e kitap Nyarombo mar ngima kende." - Fweny 21:21-27

BE NYINGI ondik e kitap ngima mar Nyarombo? Kok inyal dwoko penjo ni E gi chir, ang’o mamoni mondo e chunyi itiek lweny magore mondo iket YIE KUOM YESU SANI!