Okweenekeria ing’a tokogenda ase
omorero ogosamba Ekero orakwe.

“Inche nomonyene oboronge, goika ngende igoro,” Nonywa ngokora ayande amabe korende amaya ayangokora nigo abuete aria amabe ase igo goika ngende igoro.” “Nyasaye takonyara gontoma ase omorero ogosamba ase egencho ntimenyeti koreng’ana ne’Bibilia, Ebiro biaonchokire!” Abanto baria ababe boka buna baria bakobakorera abana obanyaka amo na abaiti nabwo baragende ase omorero ogosamba.”

Aya onsi nokweremia, obomaene mbori ng’a onsi no’borimo. Saitani omogambi bwe’nse, nigo akobeka ebirengerio buna ebi ase emetwe yaito, Ere amo nabwo bakobwatia chinchera nababisa ba Nyasaye (1Petero 5:8)
Saitani nomong’ainereria na nigo agweonchora kera engaki koba omonto omuya (2 Abakorintho 11:14) ere nigo agamberete ebirengererio bia baria abatari aba Nyasaye.""ase ayio enyasaye y'ense eye yaukoirie ebirengererio bw'abwo abatancheti, erinde omobaso bw'enchili y'obonene bwaye Kristo oyore ekieni kiaye Nyasaye, tobaikera." (2 Abakorintho 4:4).

N’oborimo kwegena buna Nyasaye tari korigeria ebibe ebike gose omorero ogosamba nase abanto baria ababe,” Ebibe bionsi nigo bigotoatanana na Nyasaye neba Ng’a nigo kwang’ainereria otancheti. Bionsi bakorire ebibe nonde taiyo ore omuya goika ekerengo giokogenda igoro.(Abarumi 3:23). Gosoa ase obonda bwa Nyasaye tari gotera na ogokora amaya abue amabe, onge nabiogo onde tari orasoe. “Korende onye nase obuya rirorio tibokoba ase ogokora, onye taibo, obuya tibokoba obuya.” (Abarumi 11:6). Ande taiyo maya torakore erio tosoe ase obonda bwa nyasaye.

Tito 3:5 Agatatooria, tari ase ogokora kw'oboronge twakorete intwe, korende ase amabera aye aseogosibigwa goetera ase okoiborwa gwakabere. Nabo agatokora abayia n'omoika o’mochenu. "Soa inwe as'egesieri kere ekegote; ekiagera egesieri nekegare, nenchera nengare ekogenda obosiru jnabange bakogesoa ekio. " (Mathayo 7:13)

Neba ing’a kera nigo amenyete obogima b’ebibe ase engati ya abanto batancheti komosemeria Nyasaye, Nyasaye takoombia, “Inwe nigo mwarenge mokwete ase ogosaria kwaino, na e’bibe biaino, ime ase ebio nigo mwabigenderete kare ase ogotunyana chingencho chi’ense eye, na gotunyana omogambi bw’okobua kwa igoro gati, oyore omoika oria ogokora emeremo ase abanto bataigwereti Nyasaye.” (Abaefeso 2:1-2).

Ekero Nyasaye atongete ense, nigo yarenge eng’ikeranu naende engiya. Erio akamotonga Adamu na hawa akabaa obosibore banache ekina komotunyana na komoigwera Nyasaye korende bagatemwa na saitani tibamoigwera Nyasaye, bagakora ebibe. Aya akabaatanana (na bonsi abaanchete yabo amo naitwe) Korwa ase okobwatana na Nyasaye. Nyasaye n’omoikeranu aseigo goika agambie ebibe. Ekero twarenge abanyabibe twarenge nokobua gw’okobwatana na Nyasaye. Aseigo Nyasaye akarosia enchera erio tobwatanigwe amo nere igoro.

"Naki Nyasaye ayianchete ense, goika akarua Omwana oye omomoima, erinde 'montoonde bwonsi oyomwanchire tasira, korende anyoreobogima bwa kare na kare. (Yohana 3:16) "Naki eng'eri ay'ebibe na makweri; korende ekeegwa kia Nyasaye nobogima bwa kare na kare ase Yesu Kristo Omonene oito." (Aba Rumi 6:23)

Yeso akaiborwa erio akwe ase engencho y’ebibe biaito irende intwe titokwa. Nyuma ya amatuko atato akaboka korwa ase embeera (Abarumi 4:25) kweoorokia ing’a n’Omobui ase amakweri. Akaba oboraro gati ya Nyasaye na mwanyabanto erio tobwatanigwe na Nyasaye goetera ase okwegena. "Nobogima bwa kare na kare nobo, bakomanye aye, Nyasaye bw'ekeene bweka, naendeYesu Kristo kwamotomete. " (Yohana 17:3)

Abanto abange mbamwegenete Nyasaye, nonya saitani namwegenete. Korende konyora ogotooreka, goika tomwochokere Nyasaye nakomosemeria Yeso ng’a nakore aria atebire ng’a nayakore, Yeso nigo aratotoorie katora mosebe atotoorie.
"naki, onde bwonsi orarangerie erieta ri'Omonene nakonyeke." (Abarumi10:13).

Ogotooreka nokobeka ogosemeria kwao ase amaboko a Yeso.

Bono, Yeso nabo agokobwata, naki nomwegene ere?

Okomwegena nokwerwa, erio omosemerie Yeso bweka Osemerie amaboko aye aria asusuretwe n’emezumari. “Nabo ngocharoka korende mbwaterere ng’enekie,” okwo tari ogosemeria. Enzemo e yogoteegena neri yokogania kobwaterera, okwo nogosemereria chinguru chiao omonyene, Bono rengereria inga, Yeso agateba, “Gatorasabe amabera, ere nomwegenwa na omonyene oboronge, natwabere ebibe biaito bionsi (1 Yohana 1:9). Mbwegenete ayio? Koramotebibie Yeso agotoorie, ere nare n’okobua kwogogotooria? Ebio nebiro bi’okwegena, onsi yeso oranyare koyakora buna atebire. Onsi nigo are ase okobwa kwaye, koorokia ng’a ring’ana riaye n’ekeene.

Ogotooreka oko gokorwa ase Nyasaye nigo kongocha goetera ase okobeka okwegena gwaito ase Yeso Kristo ase baria begenete, Goatanana nkoiyo. (Abarumi 3:22).

Ebibilia nigo egotworokia ing’a, nchera ende teiyo yogotooreka otatiga ase Kristo Yeso nigo agototeba ase Yohana 14:6

“Yeso aka moiraneria, “Inche ninche enchera, naekeene naobogima, monto onde tagocha ase tata ototiga goetera asende.”

Bono toirane ase “Naki ndaenekie ng’a kondakwe ntikogenda ase omorero ogosamba?” Okoiranereria nkori ng’a “Bakamotebia Bakamotebia, Mwanche Omonene Yesu Kristo, naye notoreke amo ne nyomba yao. (Ogokorakwa Abatumwa 16:31) “Korende bonsi abamwanchete akaboa okobua babe abana ba Nyasae, nabwo bariegenire erieta riaye.” (Yohana 1:12)

Nabo okonyora obogima bwa kare na kare buna EKEEGWA kia bosa. “Nakieng'eria y'ebibe namakweri; korende ekeegwa kia Nyasaye nobogima bwa kare na kare ase Yesu Kristo Omonene oito. ” (Abarumi 6:23)

Nabo oramenye kare na kare na Yeso Igoro ikiagera atebire boigo: “Kondagende kobaroseria aase, ninchiche naende, nimbaroisie asende; erinde asende inche, nainwe mobeo.” (Yohana 14:3)

Onye kioganetie Yeso Kristo abe omotoria oo erio onyore okwaberwa kwe ebibe korwa ase Nyasae, saba ogosaba oko. Gosaba Ogosaba oko gose amasabo and tagogotooria. Nekero oramwegene Yeso Kristo nario oranyore okwaberwa kw'ebibe! Ogosaba oko nengencho yokomworokia Nyassae okwegena kwao na komoiranereria mbuya mono aseamabera aye.

“Omonene, Nimanyete ing'a inche nomonyabibe. Nimanyete ninga neirie konyora onsi ayakoretwa nebibe, aya are amakweri nomorero otakoera. Aseigo namwegenire Yeso Kristo nere omotoria. Negenire ing'a ogokwana okooroka kwaye kwaretire okwaberwa. Namwegenire Yeso na Yeso bweka koba Omonene ase ogontooria na kong'abera ebibe. Amina

HOME