 Uw’o, nikana ethiwa muthya waku ni MWAKINI, kitindo kyaku yu kikeethiawa kya SATANI mwene. Mbivilia itwiaa kana SATANI akasililwa na thina wa tene na tene itina wa kusindwa kauni ula munene wa muthya: “Na kwai kau ituni: Mikeali na alaika make maithi kukita na ula mukunga munene; na mukunga usu na alaika maw’o mokita; nao maiaakilya vinya, o na vaiaaoneka vandu voo ituni ingi.Na mukunga usu munene wekw’a nthi,, naw’o ni nzoka ila nguu, yitawa Ndevili, na ingi Satani, mukenganiu wa nthi yonthe; ekw’a nthi, na alaika make mekw’a nthi vamwe nake.” –Uvuan’yo 12:7-9 Ethiwa waaithiwa na utwio wa mwene wi mwanya, wa kutwa, waaika uu kwa nzia ya kwithukiisya uimi wa MUKENGANI utwini waku? Aiee ou ndwaatonyeka. Ve kindu kingi waiikia kitonya kwithiwa wikwatyo waku ta ndeto ya Ngai kwoondu wa ivinda yaku yila yukite? “….Aiee, Kuikethiwe uu: Nikumanyike Ngai ni wa W’O, INDI KILA MUNDU NI Mukengani; o tondu kuandikitwe”-Alomi 3:4 Nivoya ni kana withiwe umuatiie NGAI nundu ethiwa ndwimuatiia, indi yu umuatiie SATANI ulea niwe “Ithe wa uvungu”. “Inyw’I, mwi ma ithe wenyu, ndevili, na wendi wa ithe wenyu niw’o wendaa kwika. Ai muaani kuma mwambililyoni, na ndaaikala nthini wa w’o, nundu ni muneeni wa uvungu, na ithe wa uvungu.” Yoana 8:44  We utatiie UVUNGU: Ethiwa ndwaamuthokya Yesu thayuni waku, indi wi MWAU, na utwiiwe usililo wa MWAKI WA TENE NA TENE ateo weethiuwa kuma naini syaku na kwikaila syitwa ya YESU AUTANGIIE WE! |