Apocalypse


1

1 Nin ye Yesu Krisita ka jirali ye, Ala ye min di a ma, walisa ko minnu ka kan ka kè sòòni, a ka olu jira a ka jònw la. Ala ye a ka mèlèkè ci a ka jònkè Yuhana ma ka o kow jira ale la. 2 Yuhana ye ko minnu ye Ala ka kuma ni Yesu Krisita seereya ko la, a ye olu bèè seereya kè. 3 Minnu bè nin kitabu kiraya kumaw kalan, ani minnu bè u lamèn ka o ko sèbènnenw mara, olu ye dubadenw ye! Katuguni u waati surunyara. 4 Egilisi woloèula minnu bè Asi jamana la, ne Yuhana bè nin sèbèn ci olu ma. Min bè, ni a tun bè, ni a bè na, ani Ni woloèula minnu bè o ka masasigilan ɲè kòrò, 5 ani Yesu Krisita, Seere Tilennen, suw la kununlen fòlò, dugukolo kan masakèw ka Masakè, olu ka nèèma ni dususuma di aw ma. Min ye an kanu ka an tila an ka jurumuw la ni a yèrè joli ye, 6 ka an kè masaya ni sarakalasebaaw ye a Fa Ala ye, nòòrò ni sebaaya ye o de ta ye badaa-badaa! Amiina. 7 A filè, a bè na sankabaw kan! Mògòw bèè n'a ye. Minnu y'a sògò, olu fana n'a ye. Dugukolo kan siyaw bèè na kasi a kosòn. Naamu! Amiina! 8 «Ne ye Alifa ni Omega ye.» Matigi Ala ko ten, o min bè, ni a tun bè, ni a bè na, Sebaayabèètigi. 9 Ne Yuhana min ye aw balima ni aw jèɲògòn ye Yesu ka tòòrò ni a ka masaya ni a ka muɲuli la, ne tun bè Patmos gun kan Ala ka kuma fòli ni Yesu ka seereya kosòn. 10 Ne kèra Ni la Matigi ka don na. Ne ye kumakanba mèn ne kòfè, i n'a fò burukan. 11 A ko: «I ɲè bè min na, i ka o sèbèn kitabu la k'a ci nin egilisi woloèula ma, Efese ani Smirne ni Pèrgamè ni Tiyatire ni Sarde ni Filadèlfi ani Laodise.» 12 Kan min tun bè kuma ne fè, ne ye ne yèlèma ka o fòbaa filè. Ne ye ne yèlèma minkè, ne ye sanu fitinè woloèula ye. 13 Ne ye fèn dò ye fitinè woloèula cèmancè la, o bòlen bè mògò fè. Dulòki jamanjan bè a kan na, sanu cèsirilan sirilen bè a disi la. 14 A kunsigi jèra i ko sagasi jèman, i ko neje. A ɲèw bè i ko tasuma mana. 15 A senw bè i ko nsiranègè mòlen yèrèntò fan na. A kumakan bè i ko ji caman suruntu kan. 16 Dolo woloèula bè a kininbolo la. Npan fan fila da duman bòlen bè a da la. A ɲèda bè i ko tile, tilegan waati la. 17 Ne y'a ye minkè, ne binna a sen kòrò i n'a fò su. A ye a kininbolo da ne kan, a ko: «I kana siran. Ne ye fòlò ni laban ye. 18 Ne ɲènama don, ne tun sara, a filè, ne ɲènama bè to badaa-badaa. Saya ni Hadèsi konnègèw bè ne bolo. 19 I ye fèn minnu ye, ani fèn minnu bè yen, ani fèn minnu bèna kè ninnu kò, i ka olu sèbèn. 20 I ye dolo woloèula minnu ye ne kininbolo la, ani sanu fitinè woloèula, olu gundo filè nin ye: O dolo woloèula ye egilisi woloèula ka mèlèkèw ye, o fitinè woloèula ye egilisi woloèula de ye.


2

1 «Egilisi min bè Efese, i ka sèbèn ci o ka mèlèkè ma ko: «Dolo woloèula bè min kininbolo la, ni o bè taama sanu fitinè woloèula cèmancè la, o ko: 2 Ne ye i ka ko kètaw dòn, ani i ka baaraba ni i ka muɲuli. Ne y'a dòn ko i tè se ka mògò juguw ka kow muɲu. Minnu b'a fò ko u ye cidenw ye, k'a sòrò u tè o ye, i ye olu kòròbò ka u sòrò nkalontigèlaw ye. 3 I bè muɲuli kè, i ye tòòrò muɲu ne kosòn, i ma sègèn. 4 Nka ne bè i jalaki, katuguni i ye i ka kanuya fòlò bila. 5 I binna ka bò yòrò min na, i hakili jigin o la ka nimisa i ka jurumuw la ka i ka kèwale fòlòw kè. Ni i ma nimisa, ne bè na i yòrò ka i ka fitinè ta ka bò a yòrò la. 6 O bèè n'a ta nin de bè i fè yen, Nikolayitew ka kèwalew man di i ye fewu, u man di ne fana ye. 7 «Ni Senu bè min fò egilisiw ye, tulo bè min fè, o ka o lamèn! «Min mana se sòrò, ɲènamaya jiri min bè Ala ka alijènè la, ne na o den dò di o ma, a k'a dun. 8 «Egilisi min bè Smirne, i ka sèbèn ci o ka mèlèkè ma ko: «Min ye fòlò ni laban ye, ni a tun sara ka ɲènamaya ko kura, o ko: 9 Ne bè i ka tòòrò ni i ka kòli dòn, nka i ye fèntigi de ye! Minnu b'a fò ko u ye Yahutuw ye, k'a sòrò u tè o ye, nka u ye Sitanè batoso jama ye, ne bè olu bèè ka Ala tògò tiɲèni dòn. 10 Tòòrò min na i sòrò, i kana siran o ɲè. A filè, Sitanè na aw dòw bila kaso la ka aw kòròbò. Aw na tòòrò tile tan kònò. I ka kè dannamògò ye fo ka se saya ma. Ni i ye o kè, ne na ɲènamaya masafugula di i ma. 11 «Ni Senu bè min fò egilisiw ye, tulo bè min fè, o ka o lamèn! «Min mana se sòrò, saya filanan tèna se o ma. 12 «Egilisi min bè Pèrgamè, i ka sèbèn ci o ka mèlèkè ma ko: «Npan fan fila da duman bè min bolo, o ko: 13 Ne bè i sigi yòrò dòn. O ye Sitanè ka masasigilan de ye. Ne ka seere tilennen Antipas fagara aw cèma Sitanè sigi yòrò la tuma min na, o tuma la i nòròla ne la, i ma i dalacè ne dannaya la. 14 Nka ne bè i jalaki ko dòw la. Mògò dòw bè i fè yen, olu sònna Balam ka kalan ma. O de ye Balak kalan ko a ka sentalon fèn da Israèl bònsòn ɲè, walisa u ka bolisòn sogo dun, ka jatòya kè. 15 Dòw fana bè aw fè yen, olu sònna Nikolayitew ka kalan ma. 16 O de kosòn i ka nimisa i ka jurumuw la. N'o tè, ne bè teliya ka na i yòrò ka olu kèlè ni ne da la npan ye. 17 «Ni Senu bè min fò egilisiw ye, tulo bè min fè, o ka o lamèn! «Min mana se sòrò, ne na manè dogolen dò di o ma, ka kabakurun jèman di a ma fana. Tògò kura sèbènnen bè a kan, mògò si tè o dòn fò a sòròbaa. 18 «Egilisi min bè Tiyatire, i ka sèbèn ci o ka mèlèkè ma ko: «Ala Denkè, o min ɲèw bè i ko tasuma mana, ni a senw bè i ko nsiranègè yèrèntò, o ko: 19 Ne bè i ka ko kètaw dòn, ani i ka kanuya ni i ka dannaya ni i ka baara ni i ka muɲuli ani i ka ko kètaw laban, olu ka ca fòlò taw ye. 20 Nka ne bè i jalaki, katuguni i bè o muso Jèzabèl to i fè yen, o min b'a fò ko a yèrè ye kira ye, a bè ne ka baaradenw kalan ka u lafili, fo u bè kakalaya kè ka bolisòn sogo dun. 21 Ne ye waati di a ma walisa a ka nimisa, nka a ma sòn ka nimisa a ka kakalaya la. 22 O de kosòn ne na a bila bana dalan kan. Minnu ye jatòya kè a fè, ne na olu fana coron tòòròba la, ni u ma nimisa u ka kèwalew la. 23 Ne na a denw fana faga. Egilisiw bèè n'a dòn ko ne de ye mògòw bèè ka miiriliw ni u kònòna kow bèè sègèsègèbaa ye. Ne na aw bèè kelen-kelen sara ka kèɲè ni aw ka kèwalew ye. 24 «Nka aw Tiyatireka tòw kòni, aw minnu ma sòn o kalan ma, minnu ma Sitanè ka ko dunbaw dòn, mògò dòw b'a wele ten, ne b'a fò aw ye ko ne tèna doni wèrè da aw kun. 25 Nka min bè aw bolo, aw ka o minè kosèbè sani ne ka na. 26 Min mana se sòrò ka ne ka kèwalew mara fo a laban, ne na fanga di o ma siyaw kun na. 27 A na u mara ni nègè bere ye i ko bògò dagaw bè ɲòɲò cogo min na, i ko ne fana ye fanga sòrò ne Fa fè cogo min na. 28 Ne na kènèbòda dolo fana di a ma. 29 «Ni Senu bè min fò egilisiw ye, tulo bè min fè, o ka o lamèn!


3

1 «Egilisi min bè Sarde, i ka sèbèn ci o ka mèlèkè ma ko: «Ala Ni woloèula ani dolo woloèula bè min bolo, o ko: Ne bè i ka kèwalew dòn. Mògòw b'a fò ko i ɲènama don, k'a sòrò i salen don. 2 I ka kòlòsili kè, a tò min bè ɲini ka sa, i ka o sabati, katuguni ne ma i ka ko kètaw dafalen sòrò ne ka Ala ɲè kòrò. 3 I ye kalan min sòrò, ani i y'a mèn cogo min na, i ka i hakili jigin o la ka o mara ka nimisa i ka jurumuw la. Ni i ma kòlòsili kè, ne bèna bala i la i ko nson. Ne bè na waati min na, i tèna o dòn. 4 O bèè n'a ta mògò dòw bè i fè yen Sarde minnu ma u ka finiw nògò. Fini jèmanw na don u kan na, u na taama ne fè, sabu u ka kan n'a ye. 5 Min mana se sòrò, fini jèmanw na don o kan na. Ne tèna a tògò jòsi ka bò ɲènamaya kitabu la. Ne n'a fò ne Fa ni a ka mèlèkèw ɲè kòrò ko o tigi ye ne ta ye. 6 «Ni Senu bè min fò egilisiw ye, tulo bè min fè, o ka o lamèn! 7 «Egilisi min bè Filadèlfi, i ka sèbèn ci o ka mèlèkè ma ko: «Senuma, Sèbèma, Dawuda ka konnègè bè min bolo, o min bè da yèlè, ni mògò si tè se ka a tugu, ni a bè da tugu, mògò si tè se ka a yèlè, o ko: 8 Ne bè i ka ko kètaw dòn. A filè, ne ye da yèlèlen bila i ɲè, mògò si tè se k'a tugu. I barika ka dògò, o bèè n'a ta i ye ne ka kuma mara, i ma i dalacè ne tògò la. 9 Sitanè batoso jama minnu ko u ye Yahutuw ye, k'a sòrò u tè o ye, u bè nkalon tigè, ne n'a to olu ka na u biri i sen kòrò, k'a dòn ko ne ye i kanu. 10 I ye ne ka muɲuli kuma mara. O de kosòn tòòrò waati min bèna se diɲè bèè ma ka dugukolo kan mògòw bèè kòròbò, ne fana na i mara o waati la. 11 Ne bè na sòòni. Min bè i bolo, o minè kosèbè, walisa mògò si kana i ka masafugula bòsi i la. 12 Min mana se sòrò, ne na o kè samasen ye ne ka Ala batosoba kònò, a tèna bò yen tun abada. Ne na ne ka Ala tògò sèbèn a kan ani ne ka Ala ka dugu Jerusalèm kura tògò, o bè jigin ka bò sankolo la ne ka Ala yòrò. Ne na ne tògò kura fana sèbèn a kan. 13 «Ni Senu bè min fò egilisiw ye, tulo bè min fè, o ka o lamèn! 14 «Egilisi min bè Laodise, i ka sèbèn ci o ka mèlèkè ma ko: «Amiina, Seere Tilennen Sèbèma, Ala ka dafèn bèè jubòbaa, o ko: 15 Ne bè i ka ko kètaw dòn. I man suma, i man kala. Ni i tun ka suma wala ni i tun ka kala, o tun na diya ne ye. 16 Nka i bè i ko ji wòlòkòlen, i man suma, i man kala, o de kosòn ne bèna i fòònò ka bò ne da la. 17 I b'a fò ko i ye faama ye, ko i fèntigiyara kosèbè, ko i mago tè foyi la, k'a sòrò i m'a dòn ko i ye sègènbaatò ni ɲènibaatò ni kòlibaatò ni fiyentò ani farilankolon ye. 18 O de y'a to ne bè i laadi ko i ka sanu yèrèwolo san ne fè, walisa i ka kè fèntigi ye, ka fini jèmanw san walisa ka fini don i kan na, walisa i farilankolonya kana ye ka i maloya. I ka ɲèdimi fura san ka o mun i ɲèw la, walisa i ka yeli kè. 19 Ne bè minnu kanu, ne bè olu kòròfò ka u kolo. Ayiwa i ka i dusu bèè don nimisali la. 20 Ne jòlen filè da la ka da kònkòn. Ni mògò dò ye ne kan mèn ka da yèlè ne ye, ne na don o yòrò ka dumuni kè o fè, a na dumuni kè ne fè. 21 Min mana se sòrò, ne na o lasigi ne fè ne ka masasigilan kan, i ko ne fana ye se sòrò ka sigi ne Fa fè a ka masasigilan kan cogo min na. 22 «Ni Senu bè min fò egilisiw ye, tulo bè min fè, o ka o lamèn!»


4

1 O kow kò, ne ye yeli kè, a filè, da yèlèlen bè sankolo la. Ne tun ye kan fòlò min mèn i ko burukan ni a kumana ne fè, o ko: «Yèlèn yan, ko minnu ka kan ka kè ninnu kò, ne na olu jira i la.» 2 O yòrònin kelen ne kèra Ni la. A filè, masasigilan tun bè sankolo la. Dò sigilen bè a kan. 3 Min sigilen bè, n'i y'o filè, i n'a fò jaspe ni sardwanè kabakurunw don. Ala ka muru ye o masasigilan lamini, n'i y'a filè, i n'a fò emerode kabakurun don. 4 Masasigilan mugan ni naani ye o masasigilan lamini. Cèkòròba mugan ni naani sigilen bè o masasigilanw kan, fini jèmanw bè u kan na. Sanu masafugula bè u kun na. 5 San yègèyègè ni kumakanw ni sanpèrèn bè bò o masasigilan na. Tamòɲòn manalen woloèula bè masasigilan ɲèfè. Olu ye Ala Ni woloèula de ye. 6 Masasigilan ɲèfèla bè i ko wèrè baji, i n'a fò krisital. Fèn ɲènama naani bè u cèmancè la ka masasigilan lamini. U ɲèfèla ni u kòfèla bèè falen bè ɲèkisèw la. 7 O fèn ɲènama fòlò bè i ko waraba, a filanan bè i ko misiden, a sabanan ɲèda bè i ko mògò ta, a naaninan bè i ko bòn pantò. 8 Kamanfura wòòrò bè o fèn ɲènama naani bèè kelen-kelen na, u kònò la ni u kèrèw bèè falen bè ɲèkisèw la. U tè kuma dabila su fara tile kan ko: «Senuma, senuma, senuma, Matigi Ala, Sebaayabèètigi, min tun bè, ni a bè, ani a bè na.» 9 Ni fèn ɲènama naani bè dònkili da ka masasigilan kan sigibaa bonya k'a tanu ka barika da a ye tuma o tuma, o min ɲènama bè to badaa-badaa, 10 o tuma la o cèkòròba mugan ni naani bè u bin duguma o masasigilan kan sigibaa ɲè kòrò k'a bato, o min ɲènama bè to badaa-badaa. U bè u ka masafugulaw bila masasigilan kòrò k'a fò ko: 11 «An Matigi ni an ka Ala, i ka kan ni nòòrò ni bonya ani sebaaya ye, katuguni e de ye fèn bèè dabaa ye, u bè, ani u dara ka kèɲè ni i sago ye.»


5

1 Ne ye kitabu melekelen ye masasigilan kan sigibaa kininbolo la. A kònò ni a kòkanna bèè sèbènnen bè. Taamashyèn woloèula kèra k'a datugu. 2 Ne ye mèlèkè barikama ye, a bè welewele da ni kanba ye ko: «Jòni ka kan ni o taamashyèn woloèula wulili ye ka o kitabu dayèlè?» 3 Mògò si ma sòrò sankolo la wala dugukolo kan wala dugukolo jukòrò min bè se ka o kitabu dayèlè k'a kònò filè. 4 Ne tun bè kasi kosèbè, katuguni mògò si ma sòrò min ka kan ni kitabu dayèlèli ye k'a kònò filè. 5 O cèkòròbaw la kelen y'a fò ne ye ko: «I kana kasi. A filè, waraba min bòra Juda siya la, Dawuda Bònsòn, o ye se sòrò ka o taamashyèn woloèula wuli ka o kitabu dayèlè.» 6 Ne ye Sagaden jòlen ye, o masasigilan ni o fèn ɲènama naani ni o cèkòròba mugan ni naani cèmancè la, i n'a fò a tun fagara. Biɲèkolo woloèula ni ɲèkisè woloèula b'a la, olu ye Ala Ni woloèula ye, u cilen bè ka taa dugukolo yòrò bèè la. 7 Sagaden y'i madon ka o kitabu minè ka bò masasigilan kan sigibaa kininbolo la. 8 A ye kitabu minè minkè, o fèn ɲènama naani ni o cèkòròba mugan ni naani y'u bin duguma Sagaden ɲè kòrò. Nkòni bè u bèè kelen-kelen bolo, ani sanu jifilenw, olu falen bè wusulan suma duman na, o ye Ala ka mògò senumaw ka Ala deliliw ye. 9 U bè dònkili kura da ko: «E de ka kan ni o kitabu minèli ye ka a taamashyènw wuli, katuguni i fagara, i ye mògò dòw kunmabò Ala ye ni i joli ye, ka bò bònsònw bèè ni kanw bèè ni mògòw bèè ani siyaw bèè la. 10 I ye u kè masaya ye, ani sarakalasebaaw an ka Ala ye. U na sigi masaya la dugukolo kan.» 11 Ne ye yeli kè, ne ye mèlèkè caman kan mèn, u bè masasigilan ni fèn ɲènamaw ni cèkòròbaw lamini. U dama ye mèlèkè waa tan sigiyòròma waa tan ye, ani mèlèkè waa kelen sigiyòròma waa caman caman. 12 U b'a fò ni kanba ye ko: «Sagaden min fagara, o ka kan ni sebaaya ni fèntigiya ni hakilitigiya ni fanga ni bonya ni nòòrò ani tanuli ye.» 13 Sankolola fènw bèè ni dugukolo kan fènw ni dugukolo jukòrò fènw ani kògòji kan fènw ni a kònò fènw bèè, ne ye olu kan mèn, u bè dònkili da ko: «Bonya ni tanuli ni nòòrò ani sebaaya ka kè masasigilan kan sigibaa ni Sagaden ta ye badaa-badaa.» 14 O fèn ɲènama naani ko: «Amiina!» O cèkòròbaw y'u bin duguma ka batoli kè.


6

1 Sagaden ye o taamashyèn woloèula la kelen wuli tuma min na, ne y'o ye. Ne ye o fèn ɲènama naani la kelen kan mèn i ko sanpèrènkan, a ko: «Na!» 2 Ne ye filèli kè, so dò bòra, dafe jè don. Min yèlènnen bè a kan, kala n'a biɲè b'o bolo. Masafugula dira a ma, a setigima bòra, a na se sòrò. 3 A ye o taamashyèn filanan wuli tuma min na, ne ye fèn ɲènama filanan kan mèn, a ko: «Na!» 4 So wèrè bòra, so bilen don. Min yèlènnen bè a kan, se dira o ma ka hèrè ban dugukolo kan, walisa mògòw ka ɲògòn faga. Npan jan dira a ma. 5 A ye taamashyèn sabanan wuli tuma min na, ne ye fèn ɲènama sabanan kan mèn, a ko: «Na!» Ne y'a ye, a filè, so fin bòra. Min yèlènnen bè a kan, sumanikè ja bè o bolo. 6 Ne ye kan dò mèn ka bò o fèn ɲènama naani cèmancè la i ko kumakan ko: «Kilo kelen alikama bè kè tile kelen baara sara ye. Kilo saba ɲò bè kè tile kelen baara sara ye. I kana tulu ni diwèn tiɲè.» 7 A ye taamashyèn naaninan wuli tuma min na, ne ye fèn ɲènama naaninan kan mèn, a ko: «Na!» 8 Ne y'a ye, so dò bòra, dafe mòɲòn don. Min yèlènnen bè a kan, o tògò ko Saya. Hadèsi tugura a nòfè. Se dira u ma dugukolo tila naaninan kan, walisa u ka mògòw faga ni npan ani kòngòba ni fiɲèbana ani dugukolo kan wara juguw ye. 9 A ye taamashyèn duurunan wuli tuma min na, mògò minnu fagara Ala ka kuma ni u ka seereya kosòn, ne ye olu niw ye saraka bòlan jukòrò. 10 U pèrènna ni kanba ye ko: «Matigi, Senuma, Sèbèma, i bèna kiri tigè ka an joli hakè bò dugukolo kan mògòw la tuma jumèn sa?» 11 Dulòki jan jèman dira u bèè kelen-kelen ma. A fòra u ye ko u ka u lafiya waati dòònin fòlò, fo u baarakèɲògònw ni u balimaw dama ka dafa, olu minnu ka kan ka faga i ko u yèrèw fagara cogo min na. 12 A ye taamashyèn wòòrònan wuli tuma min na, ne y'a ye, dugukolo yèrèyèrèba kèra. Tile finna i ko cafu fini fin. Kalo yòrò bèè bilenna i ko joli. 13 Sankolola dolow binna duguma i n'a fò fiɲèba ye torosun lamaga ka a den gerenw burun. 14 Sankolo bòra a yòrò la i n'a fò sèbènfura bè meleke cogo min na. Kuluw bèè ni gunw bèè cèra ka bò u ka yòròw la. 15 Dugukolo kan masakèw ni mògòbaw ni kèlè kuntigiw ni nafolobatigiw ni fangatigiw ani hòrònw bèè ni jònw bèè, u bèè y'u dogo kuluwow kònò ani kulu kan faraw cèma. 16 U y'a fò kuluw ni faraw ye ko: «A' ye bin an kan k'an dogo masasigilan kan sigibaa ɲèda ɲè ani Sagaden ka diminya ɲè, 17 katuguni u ka diminya donba sera. Jòni bè se ka jò?»


7

1 O kow kò, ne ye mèlèkè naani jòlen ye dugukolo seleke naani la. U ye diɲè fan naani fiɲèw minè walisa fiɲè si kana ci dugukolo kan wala kògòji wala jiri si kan. 2 Ne ye mèlèkè dò wèrè wulitò ye ka bò kòròn yanfan fè. Ala ɲènama ka taamashyèn b'a bolo. Dugukolo ni kògòji tiɲèni kow dira o mèlèkè naani minnu ma, o mèlèkè pèrènna ni kanba ye k'a fò olu ye ko: 3 «Aw kana foyi kè dugukolo wala kògòji wala jiriw la sani an ka taamashyèn kè an ka Ala ka jònw tenw na.» 4 Taamashyèn kèra minnu tenw na, ne ye olu dama mèn, olu ye mògò waa kèmè ni binaani ni waa naani ye ka bò Israèl bònsònw bèè la. 5 Juda bònsòn na, taamashyèn kèra mògò waa tan ni fila la, Rubèn bònsòn na, mògò waa tan ni fila, Gad bònsòn na, mògò waa tan ni fila, 6 Asèr bònsòn na, mògò waa tan ni fila, Nefitali bònsòn na, mògò waa tan ni fila, Manase bònsòn na, mògò waa tan ni fila, 7 Simeòn bònsòn na, mògò waa tan ni fila, Levi bònsòn na, mògò waa tan ni fila, Isakar bònsòn na, mògò waa tan ni fila, 8 Zabulòn bònsòn na, mògò waa tan ni fila, Yusufu bònsòn na, mògò waa tan ni fila, Benjamèn bònsòn na, mògò waa tan ni fila. Taamashyèn kèra olu bèè la. 9 O kow kò, ne ye yeli kè, jamaba filè, mògò si tè se ka u dan. U bòra siyaw bèè ni bònsònw bèè ni mògò sifaw bèè ni kanw bèè la. U jòlen bè masasigilan ni Sagaden ɲè kòrò. Dulòki jan jèmanw bè u kan na, ntamaro bolow bè u bolo. 10 U bè pèrèn ni kanba ye ko: «Kisili ye an ka masasigilan kan sigibaa Ala ani Sagaden ta ye.» 11 O mèlèkèw bèè jòlen bè ka masasigilan ni cèkòròbaw ani fèn ɲènama naani lamini. U y'u bin u ɲèdaw kan masasigilan ɲè kòrò ka Ala bato. 12 U ko: «Amiina! Tanuli ni nòòrò ni hakilitigiya ni barika dali ni bonya ni sebaaya ani fanga ye an ka Ala ta ye badaa-badaa. Amiina!» 13 Ayiwa o cèkòròbaw la kelen ye ne ɲininka ko: «Nin dulòkijètigiw ye jònw ye? U bòra min?» 14 Ne y'a jaabi ko: «Matigi, e de bè o dòn.» A y'a fò ne ye ko: «Minnu bòtò don o tòòròba la, ni u ye u ka dulòkiw ko ka u jè Sagaden joli la, olu don. 15 O de kosòn u bè Ala ka masasigilan ɲè kòrò ka baara kè a ye a batosoba kònò su fara tile kan. Masasigilan kan sigibaa na a ka finiso biri u kun na. 16 Kòngò ni minnògò tèna u minè tun abada. Tile fana tèna digi u la tun, wala funteni, 17 katuguni Sagaden min bè masasigilan cèmancè la, o na kè u gènna ye ka taa ni u ye ɲènamaya ji boyi yòròw la. Ala na ɲèji bèè cè ka bò u ɲèw la.»


8

1 Sagaden ye taamashyèn woloèulanan wuli tuma min na, mankan si ma bò sankolo la lèrè tila ɲògòn kònò. 2 Mèlèkè woloèula minnu bè jò Ala ɲè kòrò, ne ye olu ye. Buru fyèta woloèula dira u ma. 3 Mèlèkè dò wèrè nana i jò saraka bòlan ɲèfè. Sanu wusulan daga b'a bolo. Wusulan suma duman caman dira a ma, walisa a ka o ni Ala ka mògò senumaw bèè ka Ala deliliw lase ɲògòn fè sanu saraka bòlan kan, o min bè masasigilan ɲèfè. 4 O wusulan suma duman sisi ani Ala ka mògò senumaw ka deliliw yèlènna ɲògòn fè Ala ɲè kòrò ka bò mèlèkè bolo. 5 O mèlèkè ye o wusulan daga ta k'a fa ni takamiw ye ka bò saraka bòlan kan ka a kerun dugukolo kan. Sanpèrèn ni kumakanw ni san yègèyègè ani dugukolo yèrèyèrè kèra. 6 Buru woloèula bè mèlèkè woloèula minnu bolo, olu ye u labèn buru fyèli kama. 7 Mèlèkè fòlò ye buru fyè. Sanbèlè ni tasuma ani joli kolonsolen kerunna dugukolo kan. Dugukolo tila sabanan jenina, jiriw tila sabanan fana jenina ani bin kènè bèè jenina. 8 Mèlèkè filanan ye buru fyè. A kèra i n'a fò kulu belebeleba tasumama kerunna kògòji la. Kògòji tila sabanan kèra joli ye. 9 Kògòji kònò fèn ɲènamaw tila sabanan sara. Kògòji kan kurunw tila sabanan tiɲènna. 10 Mèlèkè sabanan ye buru fyè. Dolo kunbaba binna ka bò sankolo la, a bè i ko tamòɲòn manamanatò. A binna bajiw tila sabanan ni ji boyiw kan. 11 O dolo tògò ko Tale. Jiw tila sabanan kèra tale ji ye. Mògò caman sara o jiw fè, katuguni u kunayara. 12 Mèlèkè naaninan ye buru fyè. Tile tila sabanan gosira, ani kalo tila sabanan ni dolow tila sabanan, fo u yeelen tila sabanan kèra dibi ye. Tile tila sabanan ni su tila sabanan, yeelen ma bò. 13 Ne ye yeli kè, ne ye bòn pantò kan mèn san fè fiɲè la. A y'a fò ni kanba ye ko: «Mèlèkè tò saba minnu bèna buru fyè, bònè, bònè, bònè bè dugukolo kan mògòw ye olu ka buru fyèli kosòn.»


9

1 Mèlèkè duurunan ye buru fyè. Ne ye dolo bilen ye duguma ka bò sankolo la. Dingè dunba dan dònbali konnègè dira a ma. 2 A ye o dingè dunba dayèlè. Sisi bòra o dingè dunba kònò i ko gan tugu tasumaba sisi. Tile ni fiɲè bèè dibina o dingè dunba sisi fè. 3 Ntònw bòra o sisi la ka jènsèn dugukolo kan. Fanga dira u ma i n'a fò dugukolo kan bunteniw fanga. 4 A fòra u ye ko u kana foyi kè bin na, wala fèn kènè wala jiri si la, fò Ala ka taamashyèn tè mògò minnu tenw na. 5 A ma daga u ye ka mògòw faga, nka se dira u ma ka mògòw tòòrò kalo duuru. U cin da tòòrò bè i ko bunteni cin da tòòrò. 6 O donw la mògòw na saya ɲini, u tèna a sòrò. U na kè saya fè, saya na boli u ɲè. 7 O ntònw cogo kèra i ko sow labènnen kèlè kama. A bè i ko sanu masafugulaw bè u kunw na. U ɲèdaw bè i ko mògò ɲèda. 8 U kunsigi bè i ko muso kunsigi. U ɲinw bè i ko waraba ɲinw. 9 U disila fènw bòlen bè nègè bènnanw fè. Ntònw kamanfuraw mankan bòlen bè so wotorotigi caman bolitò mankan fè ka taa kèlè la. 10 Kuw bè u la i ko bunteni ku ani ku nunkunw. U bè mògòw tòòrò min kè kalo duuru kònò, o fanga bè u kuw de la. 11 Masakè bè u kun na, o dingè dunba dan dònbali mèlèkè don. Hèburukan na a tògò ko Abadòn. Grèkikan na a tògò ko Apolyon (o kòrò ko halakilikèla). 12 Bònè fòlò tèmènna. A filè, bònè fila wèrè bè na o kò. 13 Mèlèkè wòòrònan ye buru fyè. Sanu saraka bòlan min bè Ala ɲè kòrò, ne ye kumakan mèn ka bò o seleke naani biɲèkolo naani la. 14 Buru fyèta bè mèlèkè wòòrònan min bolo, a y'a fò o ye ko: «Mèlèkè naani minnu sirilen bè Ufrate ba da la, i ka olu foni.» 15 O mèlèkè naani minnu labènnen tun bè nin san ni nin kalo ni nin don ani nin lèrè kama, olu fonina walisa u ka mògòw tila sabanan faga. 16 Kèlèbolo sotigiw dama tun ye miliyòn kèmè fila ye, o dama fòra ne ye. 17 Ne ye min ye ne ka yeli fèn na, o filè, sow ni u kan yèlènbaaw. Nègèbènnan minnu tun bè u fè, olu ɲèw bilenna i ko tasuma, u ɲèw bulama don i ko safir kabakurun, u ɲèw bè i ko kiribi. Sow kunkolow bòlen bè waraba kunkolo fè, tasuma ni sisi ni kiribi bòra u daw la. 18 Tasuma ni sisi ani kiribi minnu bòra o sow daw la, mògòw tila sabanan fagara o tòòrò saba fè. 19 Olu fanga bè u daw ni u kuw la. U kuw bè i ko saw, kunkolo bè u kuw la, u bè mògòw tòòrò ni olu ye. 20 Mògò tò minnu ma faga o tòòròw fè, olu ma nimisa u bolow ka kèwalew la. Jinèw ni boli minnu dilara ni sanu ye wala warijè wala nsiranègè wala kabakurun wala jiri, u ma olu batoli dabila, olu minnu tè se ka yeli kè wala ka mènni kè wala ka taama. 21 U ma nimisa u ka mògò fagaliw wala u ka subaaya kow wala u ka kakalayaw wala u ka sonyaliw la.


10

1 Ne ye mèlèkè barikama dò wèrè jigintò ye ka bò sankolo la. Sankaba melekelen b'a la. Ala ka muru bè a kun na. A ɲèda bè i ko tile. A senw bè i ko samasen tasumamaw. 2 Kitabu fitinin dayèlèlen tun bè a bolo. A ye a kinin sen da kògòji kan ka a numan sen da dugukolo kan. 3 A pèrènna ni kanba ye, i n'a fò waraba konbokan. A pèrènna tuma min na, sankulukan woloèula bòra. 4 Sankulukan woloèula bòra tuma min na, ne tun bèna o sèbèn, nka ne ye kumakan mèn ka bò sankolo la ko: «Sankulukan woloèula ye ko minnu fò, i ka olu dogolen to, i kana u sèbèn.» 5 Ne ye mèlèkè min jòlen ye kògòji ni dugukolo kan, o ye a kininbolo kòròta san fè ka i kali. 6 Min ɲènama bè to badaa-badaa, ni a ye sankolo ni a kònò fènw ni dugukolo ni a kan fènw ani kògòji ni a kònò fènw bèè da, a y'i kali o la ko: «Waati tèna makònò tun. 7 Nka o mèlèkè woloèulanan bèna buru fyè don minnu na, o donw la Ala ka gundo na dafa, i ko a y'a fò a ka jòn kiraw ye cogo min na.» 8 Ne tun ye kan min mèn ka bò sankolo la, o kumana ne fè tun ko: «Taa, kitabu fitinin dayèlèlen minè ka bò mèlèkè bolo, o min jòlen bè kògòji ni dugukolo kan.» 9 Ne ye ne madon o mèlèkè la k'a fò a ye ko a ka o kitabu fitinin di ne ma. A y'a fò ne ye ko: «A minè k'a dun. A na i kònò kunaya, nka a na timiya i da la i ko di.» 10 Ne ye o kitabu fitinin minè mèlèkè bolo k'a dun. A timiyara ne da la i ko di, nka ne y'a dun tuma min na, a ye ne kònò kunaya. 11 A fòra ne ye tun ko: «Wajibi don i ka kiraya kè ko kura mògò sifa caman ni siya ni kan ani masakè caman ko la.»


11

1 Sumanikè bòkala dira ne ma, o bòlen bè bere fè. A fòra ne ye ko: «Wuli ka Alabatosoba suma, ani saraka bòlan ni minnu bè batoli kè yen. 2 Nka i ka Alabatosoba dukènè to yen, i kana o suma, katuguni o dira siya tòw ma. U na dugu senuma kè u taamataama yòrò ye kalo binaani ni fila kònò. 3 Ne na se di ne ka seere fila ma ka kiraya kè tile waa kelen ni kèmè fila ni tile biwòòrò kònò ka cafu fini to u kan na.» 4 Olu ye olivesun fila ni fitinè fila ye, olu minnu jòlen bè dugukolo Matigi ɲè kòrò. 5 Ni mògò dò b'a fè ka ko jugu kè u la, tasuma bè bò u da la ka u juguw jeni. Owò, ni mògò dò b'a fè ka ko jugu kè u la, wajibi don o tigi ka faga ten. 6 Se bè u fè ka sankolo datugu walisa sanji kana na u ka kiraya donw na. Se bè u fè fana ka ji yèlèma ka kè joli ye. Waati o waati ka di u ye ka dugukolo gosi ni tòòrò sifa bèè ye, o se fana bè u fè. 7 U mana u ka seereya dafa tuma min na, wara jugu min bè yèlèn ka bò o dingè dunba dan dònbali kònò, o na u kèlè ka se sòrò u kan ka u faga. 8 U suw na to o duguba fèrèkènè la. Kuma kòròma la, o dugu tògò ko Sodòmè ni Misira. U Matigi gengenna jiri kan dugu min na, o don. 9 Mògò dòw na u suw filè tile saba ni tila kònò, ka bò mògò sifaw bèè ni bònsònw bèè ni kanw bèè ani siyaw bèè la. U tèna sòn mògòw ka u suw don. 10 Dugukolo kan mògòw na ɲagali u kosòn ka u ɲènajè, ka nilifènw ci ɲògòn ma, katuguni o kira fila tun ye dugukolo kan mògòw tòòrò kosèbè haali. 11 O tile saba ni tila tèmènnen kò, Ala ye ni don u la, u y'u jò u sen na. Minnu tun bè u filè, siranba ye olu sòrò. 12 O seere fila ye kumakanba mèn ka bò sankolo la ko: «A' ye yèlèn yan.» U yèlènna sankolo la sankaba kònò u juguw ɲè na. 13 O yòrònin kelen dugukolo yèrèyèrèba kèra. Dugu tila tannan binna, mògò waa woloèula fagara o dugukolo yèrèyèrèli fè. Mògò tòw ja tigèra kosèbè, u ye sankolola Ala bonya. 14 Bònè fila tèmènna, a filè, bònè sabanan bè na sòòni. 15 Mèlèkè woloèulanan ye buru fyè. Kumakanbaw bòra sankolo la ko: «Kabini sisan diɲè masaya kèra an Matigi ni a ka Krisita ta ye. A na sigi masaya la badaa-badaa.» 16 O cèkòròba mugan ni naani minnu sigilen bè u ka masasigilanw kan Ala ɲè kòrò, olu y'u bin u ɲèda kan ka Ala bato, 17 u ko: «Matigi Ala, Sebaayabèètigi, e min bè, ni i tun bè, an bè barika da i ye, katuguni i ye i ka sebaayaba ta ka don i ka masaya la. 18 Siyaw tun diminna, nka i ka diminya sera. Suw kiri tigè tuma ani i ka jòn kiraw sara tuma sera, ani i ka mògò senumaw ni i tògò ɲèsiranbaaw, mògò dògòmanninw ni mògòbaw sara tuma sera. Dugukolo tiɲènbaaw halaki tuma fana sera.» 19 Alabatosoba min bè sankolo la, o da yèlèla. Ala ka layidu wagande yera a batosoba kònò. San yègèyègè ani kumakanw ni sanpèrènw kèra. Dugukolo yèrèyèrè ani sanbèlè kunbaba fana kèra.


12

1 O kò, taamashyènba yera sankolo la. Muso dò filè, tile melekelen bè o la, kalo bè a sen kòrò. Dolo tan ni fila masafugulama bè a kun na. 2 A kònòma don. A bè kulo tin dimin ni a tòòrò kosòn. 3 O kò, taamashyèn wèrè yera sankolo la. Dragon kunbaba bilenman filè. Kunkolo woloèula ani biɲèkolo tan b'a la. Masafugula tun bè o kunkolow bèè kelen-kelen na. 4 A ku ye sankolola dolow tila sabanan sama ka u fili duguma. O muso min bè ɲini ka jigin, dragon y'i jò o ɲè kòrò, walisa muso mana jigin, a ka o den dun. 5 Muso jiginna denkè la. O na siyaw bèè mara ni nègè bere ye. O den tufara ka taa Ala ni a ka masasigilan kèrè fè. 6 O muso bolila ka taa kungokolon kònò. Ala tun ye yòrò min labèn a ye, a taara yen, walisa a ka balo yen tile waa kelen ni kèmè fila ni tile biwòòrò kònò. 7 O tuma la kèlè kèra sankolo la. Misèl ni a ka mèlèkèw ye o dragon kèlè. Dragon fana ni a ka mèlèkèw ye kèlè kè, 8 nka u ma se sòrò. U ma yòrò sòrò sankolo la tun. 9 O dragon kunbaba, sa kòrò, min tògò ko sendonbaa ni Sitanè, o min bè dugukolo kan mògòw bèè lafili, o ni a ka mèlèkèw kerunna dugukolo kan ɲògòn fè. 10 O kò, ne ye kumakanba mèn ka bò sankolo la ko: «An ka Ala ka kisili ni a ka sebaaya ni a ka masaya sera sisan, ani a ka Krisita ka kuntigiya, katuguni an balimaw sendonbaa kerunna dugukolo kan, o min tun bè Ala ɲè kòrò ka u sendon su fara tile kan. 11 An balimaw ye se sòrò a kan Sagaden joli barika la ani u ka seereya kuma barika la. U jèna u ni kò fo ka se saya ma. 12 O de kosòn, sankolow ani u kònò fènw, aw ka ɲagali. Bònè bè dugukolo ni kògòji ye, k'a masòrò Sitanè jiginna ka taa aw yòrò. A diminnenba don, katuguni a y'a dòn ko a ka waati tò man jan tun.» 13 Dragon y'a ye ko a kerunna dugukolo kan tuma min na, muso min jiginna denkè la, a tugura o nòfè k'a tòòrò. 14 Nka bònba kamanfura fila dira muso ma, walisa a k'i pan ka taa kungokolon kònò a ka yòrò la. A na balo yen san saba ni kalo wòòrò kònò a mabòlen o sa ɲè kòrò. 15 Sa ye ji bò a da la muso nòfè i ko baji, walisa o ji woyo ka o muso tunun. 16 Nka dugukolo ye muso dèmè. Dragon ye ji min bò a da la, dugukolo y'i da yèlè ka o ji min. 17 Dragon diminna muso kòrò kosèbè. Muso bònsòn minnu bè Ala ka ci fòlenw ani Yesu ka seereya mara, a taara olu kèlè. 18 A y'i jò kògòji da la cèncèn kan.


13

1 O kò, ne ye wara jugu dò wulitò ye ka bò kògòji la. Biɲèkolo tan ni kunkolo woloèula b'a la. Masafugula tan bè a biɲèkolow la. Ala tògò tiɲèni tògòw sèbènna a kunkolow kan. 2 Ne ye wara min ye, o bòra waraninkalan fè. A senw bè i ko ursi wara senw. A da bè i ko waraba da. Dragon ye a ka sebaaya ni a ka masasigilan ni fangaba di a ma. 3 Ne ye a kunkolow la kelen ye, i n'a fò a joginna fo ka se saya ma. O joginda min tun bèna a faga, o kènèyara. Dugukolo kan mògòw bèè kabakoyara ka tugu o wara nòfè. 4 U ye dragon bato, katuguni a ye fanga di o wara ma. U ye wara fana bato, u ko: «O wara ɲògòn bè min? Jòni bè se ka a kèlè?» 5 Da dira o wara ma ka kuncèbaya kumaw fò ani Ala tògò tiɲèni kow. Fanga dira a ma ka kow kè kalo binaani ni fila kònò. 6 A y'a da yèlè ka Ala mafiɲèya ka Ala tògò ni a batoso tògò tiɲè ani minnu sigilen bè sankolo la, ka olu fana tògòw tiɲè. 7 Fanga dira a ma ka Ala ka mògò senumaw kèlè ka se sòrò olu kan. Fanga dira a ma fana bònsònw bèè ni mògò sifaw bèè ani siyaw bèè kan. 8 Dugukolo kan mògòw bèè n'a bato, fò minnu tògòw tun sèbènna Sagaden fagalen ka ɲènamaya kitabu kònò kabini diɲè da tuma. 9 Tulo bè min fè, o ka lamènni kè! 10 Ni mògò dò bè mògòw minè jònya la, o tigi yèrè na taa jònya la. Min bè mògò faga ni npan ye, wajibi don o fana ka faga ni npan ye. Ala ka mògò senumaw ka muɲuli ni u ka dannaya bè yan dè. 11 O kò, ne ye wara jugu wèrè wulitò ye ka bò dugukolo la. Biɲèkolo fila b'a la, i ko sagaden. A bè kuma i ko dragon. 12 A bè baara kè ni wara fòlò fanga ye o ɲè kòrò. O wara fòlò min joginda tun bèna a faga, ni a kènèyara, a bè dugukolo ni a kan mògòw wajibiya ka o bato. 13 Wara filanan bè taamashyènbaw kè fo ka tasuma jigin ka bò sankolo la ka na dugukolo kan mògòw bèè ɲè na. 14 Fanga dira a ma ka kabako minnu kè wara fòlò ɲè kòrò, a ye dugukolo kan mògòw lafili ni olu ye. Wara min joginna npan fè, n'a kènèyara, a y'a fò dugukolo kan mògòw ye ko u ka o ja dila. 15 Wara filanan ye fanga sòrò ka ni don wara fòlò ja la walisa o ka kuma, ani mògò minnu ma sòn ka o ja bato, a ka olu bèè faga. 16 A bè mògòw bèè wajibiya ko taamashyèn ka kè u kininbolo wala u ten na, mògò dògòmanninw ni mògòbaw, faamaw ni faantanw, hòrònw ani jònw. 17 Ko mògò si tèna se ka sanni kè wala ka feereli kè ni o taamashyèn t'a la, o wara tògò wala a tògò nimòrò kòni. 18 Hakilitigiya bè yan dè. Hakili bè min fè, o ka o wara tògò nimòrò jate, katuguni o ye mògò nimòrò ye. O nimòrò ye kèmè wòòrò ni biwòòrò ani wòòrò ye.


14

1 O kò, ne ye filèli kè ka Sagaden jòlen ye Sion kulu kan. Mògò waa kèmè ni binaani ni waa naani bè a fè. Sagaden tògò ni a Fa tògò sèbènnen tun bè o mògòw tenw na. 2 Ne ye kumakan mèn ka bò sankolo la. A bè i ko jiba suruntukan ani sankulukanba. A kan bè i ko nkòni fòlaw ka nkònifòkan. 3 U bè tanuli dònkili kura da masasigilan ɲè kòrò ani fèn ɲènamaw ani cèkòròbaw ɲè kòrò. Mògò si ma se ka o dònkili dege fò o mògò waa kèmè ni binaani ni waa naani, minnu kunmabòra ka bò dugukolo kan. 4 Olu ma nògò musow fè, k'a masòrò u ye cè muso dònbaliw ye. Sagaden bè taa yòrò o yòrò, olu bè tugu a nòfè. U kunmabòra ka bò mògòw cèma. U ye Ala ni Sagaden ka fèn fòlòw de ye. 5 U ma nkalon tigè abada, jalakibaliw don. 6 O kò, ne ye mèlèkè wèrè pantò ye san fè fiɲè la. Kibaru Duman banbali bè a fè k'a fò dugukolo kan mògòw ye, siyaw bèè ni bònsònw bèè ni kanw bèè ani mògò sifaw bèè. 7 A y'a fò ni kanba ye ko: «A' ye siran Ala ɲè k'a bonya, k'a masòrò a na kiri tigè mògòw kan waati min na, o sera. A' ye sankolo ni dugukolo ni kògòji ani ji boyiw Dabaa bato.» 8 Mèlèkè filanan tugura fòlò ta kò, a ko: «Babilonè duguba! A cira, a cira! Ale y'a to siyaw ka a ka kakalaya jugu diwèn dò min.» 9 Mèlèkè sabanan tugura u nòfè k'a fò ni kanba ye ko: «Min bè wara ni a ja bato, ni a ka taamashyèn bè kè o ten wala a bolo la, 10 o fana na Ala ka diminya diwèn min, a ye min kolonsobali yèlèma a ka diminya jifilen kònò. O tigi na tòòrò tasuma ni kiribi la mèlèkè senumaw ani Sagaden ɲè kòrò. 11 U tòòrò tasuma sisi na yèlèn san fè badaa-badaa. U tèna lafiya su fara tile kan, olu minnu ye wara ni a ja bato, ani wara tògò taamashyèn bè minnu na.» 12 Ala ka mògò senumaw ka muɲuli bè yan dè, olu minnu bè Ala ka ci fòlenw mara ani u ka dannaya Yesu la. 13 Ne ye kumakan mèn ka bò sankolo la ko: «Nin sèbèn: Mògò minnu bè sa Matigi la kabini sisan, olu ye dubadenw ye.» Ni Senu ko: «Owò, walisa u ka lafiya u ka baarabaw la, katuguni u ka kèwalew tugulen bè u nòfè.» 14 Ne ye filèli kè ko kura ka sankaba jèman ye. Dò sigilen bè a kan, o bòlen bè mògò fè. Sanu masafugula bè a kun na, wòlòsò da duman b'a bolo. 15 Mèlèkè wèrè nana ka bò Alabatosoba kònò, k'a fò sankaba kan sigibaa ye ni kanba ye ko: «I ka i ka wòlòsò kè ka dugukolo suman kan, k'a masòrò suman kan waati sera, dugukolo suman mòna ka ban.» 16 Min sigilen tun bè sankaba kan, o ye a ka wòlòsò kerun dugukolo kan, dugukolo suman tigèra. 17 Mèlèkè dò wèrè bòra Alabatosoba kònò sankolo la. Wòlòsò da duman bè o fana bolo. 18 Mèlèkè wèrè bòra saraka bòlan na, fanga tun b'o fè tasuma kan. Wòlòsò da duman bè min bolo, a y'a fò o ye ni kanba ye ko: «I ka i ka wòlòsò da duman kè ka dugukolo kan rezènsun tusuuw tigè, k'a masòrò u denw mòna ka ban.» 19 Mèlèkè ye a ka wòlòsò kerun dugukolo kan ka dugukolo rezènsun mò tigè ka u fili Ala ka diminya rezèn jibò yòròba kònò. 20 U ye rezèndenw foroki rezèn jibò yòrò la dugu kòfè. Joli bòra rezèn jibò yòrò la ka woyo ka taa se kilomètèrè kèmè saba ɲògòn ma. A dunya tun bè bò duguma ka se so karafe nègè ma.


15

1 O kò, ne ye taamashyèn wèrè ye sankolo la, o ka bon, dakabana ko don. Laban tòòrò koba woloèula bè mèlèkè woloèula minnu bolo, olu bè Ala ka diminya ko dafa. 2 O kò, ne ye bajiba ye, i n'a fò wèrè ni tasuma kolonsolen. Minnu ye se sòrò wara ni a ja ani a tògò nimòrò kan, ne ye olu fana jòlen ye wèrè baji kan. Ala ka nkòniw bè u bolo. 3 U bè Ala ka baaraden Musa ka tanuli dònkili da ani Sagaden ka dònkili ko: «Matigi Ala, Sebaayabèètigi, i ka ko kètaw ka bon, kabakow don! Siyaw bèè ka Masakè, i ka siraw tilennen don. U ye tiɲè ye. 4 Matigi, jòni tèna siran i ɲè ka i tògò bonya? K'a masòrò i kelenpe ka senu. Siyaw bèè bè na ka i bato, katuguni i ka kèwale tilennenw jirala.» 5 O kò, ne ye filèli kè ka Ala ka seereya finiso senuma da yèlèlen ye sankolo la. 6 Tòòrò koba woloèula bè mèlèkè woloèula minnu bolo, olu bòra Alabatosoba kònò. Lenfu fini saniyalen manamanatò bè u kan na. Sanu cèsirilan bè u disi la. 7 Fèn ɲènama naani la kelen ye sanu jifilen woloèula di mèlèkè woloèula ma, Ala min ɲènama bè to badaa-badaa, u falen bè ni o ka diminya ye. 8 Alabatosoba fara Ala ni a ka sebaaya nòòrò sisi la. Mògò si ma se ka don Alabatosoba kònò, sani o tòòrò koba woloèula ka kè ka dafa, olu minnu tun bè o mèlèkè woloèula bolo.


16

1 O kò, ne ye kumakanba mèn ka bò Alabatosoba kònò k'a fò mèlèkè woloèula ye ko: «Ala ka diminya bè jifilen woloèula minnu kònò, a' ye taa olu yèlèma dugukolo kan.» 2 Mèlèkè fòlò taara ka a ka jifilen kònò fèn yèlèma dugukolo kan. Wara jugu ka taamashyèn bè mògò minnu na, ani a ja batobaaw, joli juguw kèra olu la ka u tòòrò kosèbè. 3 Mèlèkè filanan ye a ka jifilen kònò fèn yèlèma kògòji kan, kògòji kèra joli ye, i ko mògò su joli. Kògòji kònò fèn ɲènamaw bèè sara. 4 Mèlèkè sabanan ye a ka jifilen kònò fèn yèlèma bajiw ni ji boyiw kan, olu kèra joli ye. 5 Ne ye jiw kun na mèlèkè kan mèn ko: «E min ka senu, ni i bè, ni i tun bè, i tilennen don, k'a masòrò i ye o kiri kow kè ten. 6 Mògòw ye Ala ka mògò senumaw ni kiraw faga ka u joli bòn. I ye joli di u ma k'a min, u ka kan n'o ye.» 7 Ne ye saraka bòlan kan mèn ko: «Owò, Matigi Ala, Sebaayabèètigi, i ka kiri kow ye tiɲè ye, u tilennen don!» 8 Mèlèkè naaninan ye a ka jifilen kònò fèn yèlèma tile kan. Fanga dira tile ma ka mògòw jeni ni a tasuma ye. 9 Funteni dama tèmènnen ye mògòw jeni. U ye Ala tògò tiɲè, o tòòrò kobaw bè o min bolo, nka u ma sòn ka nimisa u ka jurumuw la ka Ala bonya. 10 Mèlèkè duurunan ye a ka jifilen kònò fèn yèlèma o wara jugu ka masasigilan kan. Dibi donna a ka masaya yòrò bèè la, mògòw ye u nènkunw ɲimi dimin kosòn. 11 U ye sankolotigi Ala tògò tiɲè u ka diminw ni u joliw kosòn, nka u ma nimisa u ka kèwalew la. 12 Mèlèkè wòòrònan ye a ka jifilen kònò fèn yèlèma Ufrate bajiba kan. O baji jara walisa ka sira labèn masakèw ɲè, olu minnu bè na ka bò kòròn fè. 13 Ne ye ni jugu saba ye, kelen bòra dragon da la, kelen bòra wara da la, kelen bòra kira nkalontigèla da la, u bòlen bè ntoriw fè. 14 Olu ye jinèw niw ye, u bè kabakow kè. U bè taa dugukolo kan masakèw bèè sègèrè, walisa u ka u lajè Ala Sebaayabèètigi ka donba kèlè kama. 15 «A filè, ne bè na i ko nson! Min bè to a ɲè na ka a ka finiw mara walisa a farilankolon kana taama, mògòw kana a maloya ye, o ye dubaden ye.» 16 O jinèw ye masakèw lajè yòrò min na, o tògò ko Harmagedòn hèburukan na. 17 Mèlèkè woloèulanan ye a ka jifilen kònò fèn yèlèma fiɲè la. Kumakan bòra masasigilan na Alabatosoba kònò, o ko: «A kèra ka ban.» 18 San yègèyègè ni kumakanw ni sanpèrènkanw ani dugukolo yèrèyèrèba kèra. O bòɲògònko dugukolo yèrèyèrèba tun ma kè kabini mògòw kèra dugukolo kan. 19 O duguba tiɲènna ka kè tila saba ye. Siyaw ka duguw binna. Ala hakili jiginna Babilonèba la ka a ka diminyaba diwèn jifilen di a ma, a k'a min. 20 Gunw bolila ka taa, kuluw ma ye tun. 21 Sanbèlè kunbabaw binna mògòw kan ka bò sankolo la, u bèè kelen-kelen bè kilo binaani ɲògòn bò. Mògòw ye Ala tògò tiɲè o sanbèlè tòòrò kosòn, katuguni o tòòrò ka bon fo ka dama tèmèn.


17

1 Jifilen woloèula bè mèlèkè woloèula minnu bolo, olu la kelen nana k'a fò ne ye ko: «Na, jatòmusoba min sigilen bè jibaw kan, ne na o ka kiri ko jira i la. 2 Dugukolo kan masakèw ye jatòya kè a fè. Dugukolo kan mògòw ɲènaminilen don a ka jatòya diwèn fè.» 3 O mèlèkè taara ni ne ye Ni la kungokolon yòrò dò la. Ne ye muso dò sigilen ye wara bilenman kan, tògò tiɲèni kumaw sèbènnen bè o wara yòrò bèè kan, kunkolo woloèula ni biɲèkolo tan b'a la. 4 Lomaasa fini ni fini bilenman b'a kan na, a masirilen don ni sanu ni kabakurun sòngò gèlènw ani kònònkisè sòngò gèlènw ye. Sanu jifilen b'a bolo, o falen bè ni ko haramulenw ni a ka jatòya nògòlenya ye. 5 Gundo tògò sèbènnen bè o muso ten na ko: «Babilonèba, jatòmusow ni dugukolo ka ko haramulenw woloba.» 6 Ne ye o muso ɲènaminilen ye ni Ala ka mògò senumaw joli ani Yesu seerew joli ye. Ne y'a ye tuma min na, ne kabakoyara. 7 Mèlèkè y'a fò ne ye ko: «Mun na i kabakoyara? O muso ani a sigilen bè wara bilenman min kan, ni kunkolo woloèula ni biɲèkolo tan bè o la, ne na olu gundo fò i ye. 8 I ye wara min ye, o tun bè, nka a tè tun. A bèna yèlèn ka bò dingè dunba dan dònbali kònò ka taa halaki yòrò la. Dugukolo kan mògò minnu tògòw ma sèbèn ɲènamaya kitabu la kabini diɲè da tuma, olu na o wara ye ka kabakoya, katuguni a tun bè, nka a tè tun, a bèna ye ko kura. 9 «Hakili bè sòrò faamuli min na, o filè nin ye. O kunkolo woloèula ye kulu woloèula ye, o muso sigilen bè minnu kan. 10 Olu ye masakè woloèula fana ye, u duuru binna, kelen bè yen, a tò kelen ma na fòlò. O mana na, wajibi don a ka waati dòònin dòròn kè. 11 O wara min tun bè, ni a tè tun, o ye masakè seginnan ye. Ale ye o woloèula la kelen ye, a bè taa halaki yòrò la. 12 «I ye biɲèkolo tan minnu ye, olu ye masakè tan ye, u ma masaya sòrò fòlò, nka u ni wara na masaya fanga sòrò ɲògòn fè ka waati kelen kè. 13 U miiriliw kèra kelen ye, u bè u ka sebaaya ni u fanga di wara ma. 14 U na Sagaden kèlè, Sagaden na se sòrò u kan, k'a masòrò a ye matigiw ka Matigi ye ani masakèw ka Masakè. A ka welelen ɲènatòmòlen minnu bè a fè, ni u kèra dannamògòw ye, olu fana na se sòrò.» 15 Mèlèkè y'a fò ne ye ko: «I ye jatòmuso sigilen ye ji minnu kan, olu ye mògò sifaw ni jamakulubaw ni siyaw ni kanw ye. 16 I ye biɲèkolo tan minnu ye, olu ni o wara na jatòmuso koniya ka fèn bèè bòsi a la ka a farilankolon bila. U na a farisogo dun ka a jeni tasuma la ka a ban pewu pewu. 17 Ala ye a yèrè sago kè u kònò fo u jèra ka u ka masaya fanga di wara ma, sani Ala ka ko fòlen bèè ka kè ka dafa. 18 «I ye muso min ye, o ye duguba ye, min bè sigi dugukolo kan masakèw bèè kun na.»


18

1 O kow kò, ne ye mèlèkè wèrè jigintò ye ka bò sankolo la. Sebaayaba b'a fè, a nòòrò ye yeelen bò dugukolo yòrò bèè la. 2 A pèrènna ni kanba ye ko: «Babilonèba, a cira, a cira! A kèra jinèw sigi yòrò ni jinè nògòlenw bèè dogo yòrò ani kònò nògòlen mangow bèè dogo yòrò ye. 3 K'a masòrò siyaw bèè ye a ka kakalaya dama tèmènnenw diwèn min. Dugukolo kan masakèw ye jatòya kè a fè, dugukolo kan jagokèlaw fèntigiyara a ka fèn saramaw caya kosòn.» 4 Ne ye kumakan wèrè mèn ka bò sankolo la ko: «Ne ka mògòw, a' ye bò Babilonè, walisa aw kana kè a jèɲògònw ye a ka jurumu kow la, ka niyòrò sòrò a ka tòòròbaw la. 5 Katuguni a ka jurumuw cayara fo ka se sankolo ma. Ala hakili tora a ka ko juguw la. 6 A' ye a sara ka kèɲè ni a yèrè ka sara cogo ye. A' ye a ka tòòrò kè fila ye ka kèɲè ni a ka kèwalew ye. A ye jifilen kònò fèn min kolonso, aw ka o ɲògòn fila kolonso a ye. 7 A ye a yèrè bonya ka fèn ɲuman caman caman min sòrò, aw ka o dama bòɲògònko tòòrò ni kasi ko lase a ma. K'a masòrò a y'a fò a yèrè kònò ko: `Ne masamusoma sigilen bè yan. Ne tè muso cè salen ye, su kasi ko tèna ne sòrò fewu.' 8 O de kosòn a ka tòòrò ko na bin a kan don kelen na, saya ni su kasi ani kòngòba. Tasuma na a jeni ka a ban, katuguni Matigi Ala min bè kiri tigè a kan, o ye sebaayabatigi de ye.» 9 Dugukolo kan masakè minnu ni a jèra a ka kakalaya ni a ka saramaya kow la, olu mana a jeni sisi ye tuma min na, u na kasi ka kulo a kosòn. 10 Olu na u jò yòrò jan a ka tòòrò kow ɲèsiran kosòn, k'a fò ko: «Bònè! Bònè! Duguba Babilonè, dugu barikama! I ka kiri ko binna i kan lèrè kelen na!» 11 Dugukolo kan jagokèlaw fana bè kasi ka kulo ɲènasisi fè a kosòn, k'a masòrò mògò si tè u ka jago fènw san tun, o jago fènw filè ninnu ye: 12 Sanu, warijè, kabakurun sòngò gèlènw, kònònkisè sòngò gèlènw, lenfu fini ɲuman, lomaasa fini, suwa fini, suma diyalan jiri sifa bèè, fèn minnu dilara ni sama ɲinw ye, fèn minnu dilara ni jiri sòngò gèlènw ye, nsiranègè, nègèfin, kabakurun min tògò ko marburu, 13 namugu suma duman min tògò ko kanèl, latikòlònw, mirè suma duman, wusulan suma duman, diwèn, tulu, farinimugu ɲuman, ɲò, misiw ni sagaw, sow, wotorow, jònw ani mògòw niw. 14 U n'a fò ko: «I tun ye fèn minnu ɲini, olu bòra i bolo. Fèn saramaw ni fèn minnu cè ka ɲi, olu bèè tununna i ma. I tèna u sòrò tun.» 15 O fènw jagokèla minnu fèntigiyara o duguba fè, olu na u jò yòrò jan o ka tòòròba ɲèsiran kosòn, ka kasi ka kulo ɲènasisi fè. 16 U n'a fò ko: «Bònè! Bònè! O duguba min tun ye lenfu fini ni lomaasa fini don a kan na, ka a yèrè masiri ni sanu ni kabakurun sòngò gèlènw ni kònònkisè sòngò gèlènw ye! O nafoloba tiɲènna lèrè kelen na.» 17 Kògòji kan kurun kuntigiw bèè ani minnu bè ji kan taama kè, ni kurun kònò baarakèlaw ani minnu bè u balo sòrò kògòji kan, olu y'u jò yòrò jan. 18 U ye o dugu jeni sisi ye ka kulo k'a fò ko: «Dugu jumèn bè nin duguba bò?» 19 U ye buguri seri u kun na, ka kasi ka kulo ɲènasisi fè ko: «Bònè! Bònè bè o duguba ye! Kògòji kan kuruntigiw bèè fèntigiyara a ka nafolo fè. O kèra yòrò lankolon ye lèrè kelen dama kònò!» 20 Sankolo, i ka ɲagali o ko la. Ala ka mògò senumaw ni cidenw ni kiraw, aw fana ka ɲagali, k'a masòrò Ala ye kiri tigè a kan ka aw hakè bò a la. 21 O tuma la mèlèkè barikama ye kabakurun ta i ko wugu belebeleba, ka a kerun kògòji la, k'a fò ko: «O duguba Babilonè na kerun ni fanga ye ten. A tèna ye tun. 22 Nkònifòkan ni folifòkan ni filefyèkan ni burufyèkan si tèna mèn i kònò tun. Walekèla sifa si tèna sòrò i kònò tun. Wugukan si tèna mèn i kònò tun. 23 Lanpa yeelen tèna bò i kònò tun. Kòɲòcèkan ni kòɲòmusokan tèna mèn i kònò tun. K'a masòrò i ka jagokèlaw tun ye dugukolo kan faamaw de ye. I ka subaaya ko tun ye siyaw bèè lafili. 24 Kiraw ni Ala ka mògò senumaw ani mògò minnu bèè fagara dugukolo kan, olu bèè joli yera nin dugu kònò.»


19

1 O kò, ne ye mankanba mèn ka bò sankolo la i ko jamaba mankan, ko: «Aleluya! Kisili ni nòòrò ani sebaaya ye an ka Ala ta ye, 2 katuguni a ka kiri kow ye tiɲè ye, u tilennen don, sabu o jatòmusoba min tun bè diɲè toli ni a ka jatòya kow ye, a ye kiri tigè o kan, ka a ka jònw fagali hakè bò o la.» 3 U y'a fò ko kura ko: «Aleluya! A jeni sisi bè yèlèn badaa-badaa.» 4 O cèkòròba mugan ni naani ani o fèn ɲènama naani ye u bin duguma ka masasigilan kan sigibaa Ala bato ko: «Amiina. Aleluya!» 5 Kumakan bòra masasigilan na ko: «Ala ka jònw bèè, aw minnu bè siran a ɲè, mògò dògòmanninw ni mògòbaw, aw ka an ka Ala tanu!» 6 Ne ye kanba mèn i ko jamaba mankan ni jiba suruntukan ani sankulukanba ko: «Aleluya! K'a masòrò Matigi an ka Ala, Sebaayabèètigi donna a ka masaya la. 7 An ka nisòndiya ka ɲagali ka Ala bonya, k'a masòrò Sagaden ka kòɲò sera, a muso y'i masiri. 8 Cogo dira a ma ka lenfu fini jèman ɲuman manamanatò don a kan na.» O lenfu fini ɲuman ye Ala ka mògò senumaw ka kèwale tilennenw ye. 9 Mèlèkè y'a fò ne ye ko: «I ka nin sèbèn: Minnu welela Sagaden ka kòɲò dumuniba la, olu ye dubadenw ye.» A ko fana: «O kumaw ye Ala ka kuma sèbèw de ye.» 10 Ne ye n'bin a sen kòrò, ne tun b'a fè k'a bato, nka a ko ne kana o kè, ne ni ne balima minnu bè Yesu ka seereya kumaw mara, ko ale ye anw bòɲògònko jòn de ye, ko ne ka Ala bato. Yesu seereya ye kiraya ni de ye. 11 Ne ye sankolo dayèlèlen ye. So dò filè, dafe jè don. Min yèlènnen bè a kan, o tògò ko Kantigi, Sèbèma. A bè kiri tigè ka kèlè kè ni tilennenya ye. 12 A ɲèw bè i ko tasuma manaw. Masafugula caman bè a kun na. Tògò dò sèbènnen b'a la, mògò si tè o dòn a kelen kò. 13 Fini b'a kan na, o sulen bè joli la. O tigi tògò ko «Ala ka Kuma». 14 Sankolola kèlèbolow tugura a nòfè, olu yèlènnen bè dafe jèw kan, lenfu fini jèman saniyalen tun bè u kan na. 15 Npan da duman bòlen bè a da la, a na siyaw gosi n'o ye, ka u mara ni nègè bere ye. A na forokili kè Ala Sebaayabèètigi dusu bòlen ka diminya rezèn jibò yòrò la. 16 Tògò dò sèbènnen bè a ka fini ni a woro kan ko «masakèw ka Masakè ani matigiw ka Matigi.» 17 O kò, ne ye mèlèkè jòlen ye tile kònò. A pèrènna ni kanba ye k'a fò san fè kònò pantaw bèè ye ko: «A' ye na aw lajè Ala ka dumuniba kama, 18 ka masakèw sogo dun, ani jalasabatigiw ni kèlè masaw sogo ni sow ni so kan yèlènbaaw sogow ani mògòw bèè sogo, hòrònw ni jònw, mògòbaw ni mògò dògòmanninw.» 19 O kò, ne ye o wara ni dugukolo kan masakèw ni u ka kèlèbolow lajèlen ye, ko u bè o so kan yèlènbaa ni a ka kèlèbolo kèlè. 20 O wara minèna ani kira nkalontigèla min ye kabakow kè a ɲè kòrò. O wara ka taamashyèn tun bè mògò minnu na, ni u ye a ja bato, o kabakow ye olu lafili. Wara ni kira nkalontigèla fila bèè ɲènama filila dingè belebeleba tasumama kiribima kònò. 21 Npan min bòra so kan yèlènbaa da la, o ye u tòw faga. Kònòw bèè fara u sogow la.


20

1 O kò, ne ye mèlèkè dò jigintò ye ka bò sankolo la. Dingè dunba dan dònbali konnègè ani jòlòkòba b'a bolo. 2 A ye dragon minè, o sa kòrò, o de ye sendonbaa ye, Sitanè don. A y'a siri 3 k'a kerun o dingè dunba kònò k'a da sògò ka taamashyèn nòrò a la ka san waa kelen kè, walisa dragon kana na siyaw lafili tun sani o san waa kelen ka dafa. O kò, wajibi don a ka foni ka waati dòònin kè. 4 Ne ye masasigilan dòw ye, ani u kan sigibaaw, fanga dira olu ma ka kiri tigè. Minnu kunkolow tigèra Yesu seereya ani Ala ka kuma kosòn, ne ye olu niw fana ye, ani minnu ma wara ni a ja bato, ni a ka taamashyèn ma kè u tenw wala u bolow la. Olu suw kununna ka sigi Krisita fè masaya la ka san waa kelen kè. 5 Su tòw ma kunun sani o san waa kelen ka dafa. O ye suw kununli fòlò de ye. 6 Minnu ye niyòrò sòrò suw kununli fòlò la, olu ye dubadenw ye, u ka senu. Saya filanan tèna se sòrò u kan, nka u na kè Ala ni Krisita ka sarakalasebaaw ye. U na sigi a fè masaya la ka san waa kelen kè. 7 San waa kelen dafalen kò, Sitanè na bila ka bò a ka kaso la. 8 Siya minnu bè diɲè fan naani la, Gog ni Magog, a na taa olu lafili walisa a ka u lajè kèlè kama. U na caya i ko kògòji da la cèncèn. 9 U nana ka bò dugukolo yòrò bèè la ka Ala ka mògò senumaw ka daga ni dugu kanulen lamini, nka tasuma jiginna ka bò sankolo la ka u jeni. 10 Sitanè min tun bè u lafili, o kerunna dingè belebeleba tasumama kiribima kònò, wara ni kira nkalontigèla bè yòrò min na. U na tòòrò yen su fara tile kan, badaa-badaa. 11 O kò, ne ye masasigilan belebeleba jèman ye, ani min sigilen bè a kan. Dugukolo ni sankolo bolila ka bò o ɲè kòrò, u ma ye tun. 12 Ne ye suw bèè ye, kunbabaw ni dògòmanninw, u jòlen bè masasigilan ɲè kòrò. Kitabuw dayèlèla, kitabu wèrè dayèlèla, o ye ɲènamaya kitabu ye. Kiri tigèra suw kan ka kèɲè ni u ka kèwalew ye, olu minnu sèbènna o kitabuw kònò. 13 Su minnu bè kògòji kònò, o ye olu labò. Saya ni Hadèsi fana ye u taw labò. Kiri tigèra suw bèè kelen-kelen kan ka kèɲè ni u ka kèwalew ye. 14 Saya ni Hadèsi kerunna dingè belebeleba tasumama kònò. O dingè tasumama ye saya filanan ye. 15 Mògò o mògò tògò sèbènnen ma sòrò ɲènamaya kitabu la, o kerunna dingè belebeleba tasumama kònò.


21

1 O kò, ne ye sankolo kura ni dugukolo kura ye, k'a masòrò sankolo fòlò ni dugukolo fòlò tèmènna. Kògòji fana tè yen tun. 2 Ne ye dugu senuma Jerusalèm kura fana jigintò ye ka bò sankolo la Ala yòrò. A labènnen bè i ko kòɲòmuso min masirilen bè a cè ye. 3 Ne ye kumakanba mèn ka bò masasigilan na, ko: «Ala sigiso filè mògòw cèma! Ale na sigi u fè, u na kè a ka mògòw ye, Ala yèrè na kè u fè yen ka kè u ka Ala ye. 4 A na ɲèji bèè cè ka bò u ɲè la. Saya tèna kè tun, su kasi fana tèna kè tun, wala kasikan wala dimin, k'a masòrò fèn fòlòw tèmènna.» 5 Min sigilen bè masasigilan kan, o ko: «A filè! Ne bè fèn bèè kè kura ye.» O kò, a y'a fò ko: «I ka sèbènni kè, katuguni nin kumaw ye kuma jèlenw ye, kuma sèbèw don.» 6 A y'a fò ne ye fana ko: «A kèra ka ban. Ne ye Alifa ni Omega ye, daminè ni laban. Minnògò bè min na, ne na ɲènamaya ji boyi ji dò di o ma gansan. 7 Min mana se sòrò, o na kè nin kow ciyèntala ye. Ne na kè o ka Ala ye, a na kè ne den ye. 8 Nka siranbaatòw ni dannabaliw ni haramulenw ni mògò fagalaw ni jatòw ni subaaw ni bolibatobaaw ani nkalontigèlaw bèè, olu niyòrò na kè o dingè belebeleba tasumama kiribima kònò. O ye saya filanan de ye.» 9 Jifilen woloèula minnu falen bè laban tòòròba woloèula la, olu tun bè mèlèkè woloèula bolo. O mèlèkèw la kelen nana k'a fò ne ye ko: «Na yan! Ne na kòɲòmuso jira i la, Sagaden muso.» 10 A taara ni ne ye Ni la ka yèlèn kuluba jamanjan dò kan. A ye o dugu senuma Jerusalèm jira ne la, a jigintò don ka bò sankolo la Ala yòrò. 11 Ala nòòrò b'a la, a bè manamana i ko kabakurun sòngò gèlèn, i ko jaspe kabakurun, a bòlen bè krisital fè. 12 Kogoba jamanjan kèra ka o dugu lamini. Da tan ni fila b'a la, mèlèkè tan ni fila jòlen bè o daw la. Tògòw sèbènnen bè o daw kan, olu ye Israèl bònsòn siya tan ni fila tògòw de ye. 13 Da saba bè kòròn yanfan fè, da saba bè saheli yanfan fè, da saba bè worodugu yanfan fè, da saba bè tilebin yanfan fè. 14 Jusigilan tan ni fila bè dugu kogo jukòrò. Sagaden ka ciden tan ni fila tògòw sèbènnen bè o kabakurunw kan. 15 Mèlèkè min kumana ne fè, sanu sumanikè bere tun bè o bolo ka dugu ni a daw ani a kogo suma. 16 Dugu fan naani bèè ka kan, a janya ni a fèrè bèè ye kelen ye. Mèlèkè ye dugu suma ni o bere ye. A janya kèra kilomètèrè waa fila ni kèmè naani ɲògòn ye. A janya ni a fèrè ni a jò kundama bèè ka kan. 17 A ye kogo fana suma, o jò kundama kèra mètèrè biwoloèula ni fila ye ka kèɲè ni mògò ka sumani fèn ye, o kòrò, mèlèkè ta. 18 A kogo jòra ni jaspe kabakurun ye. Dugu ye sanu yèrèwolo ye, i ko wèrè jèman. 19 Dugu kogo ju masirilen bè ni kabakurun sòngò gèlèn sifa bèè ye. A bèè jukòrò kabakurun ye jaspe kabakurun ye, a filanan safir, a sabanan agate, a naaninan emerode, 20 a duurunan onikis, a wòòrònan sardwanè, a woloèulanan krisolite, a seginnan beril, a kònòntònnan topaz, a tannan krisoprase, a tan ni kelennan yasènte, a tan ni filanan amètisite. 21 Dugu da la kon tan ni fila ye kònònkisè sòngò gèlèn tan ni fila ye, kon bèè kelen-kelen ye kònònkisè kelen ye. Dugu fèrèkènè ye sanu yèrèwolo ye i ko wèrè sèbè. 22 Ne ma Alabatosoba ye o dugu kònò, katuguni Matigi Ala Sebaayabèètigi ani Sagaden ye o dugu ka Alabatosoba ye. 23 O dugu mago tè tile wala kalo la ka yeelen bò a ye, k'a masòrò Ala nòòrò ye a ka yeelen ye. Sagaden ye a ka lanpa ye. 24 Siyaw na taama a ka yeelen na. Dugukolo kan masakèw na don a kònò ni u nòòrò ye. 25 O dugu dondaw tèna tugu tile fè, su tèna ko yen. 26 U bèna don a kònò ni siyaw nòòrò ni u ka bonya ye. 27 Fèn nògòlen si tèna don yen, wala ko haramulen kèbaa wala nkalontigèla, fò minnu tògòw sèbènnen bè Sagaden ka ɲènamaya kitabu la.


22

1 Mèlèkè ye ɲènamaya baji jira ne la, a bè yèrèn i ko krisital. A bòtò don Ala ni Sagaden ka masasigilan na, 2 ka woyo dugu fèrèkènè cèmancè la. Ɲènamaya jiri bè o ba fan fila la. A den bè kari siɲè tan ni fila san kònò. Kalo o kalo a bè den. O jiri furaw bè siyaw kènèya. 3 Danga tèna kè tun fewu. Ala ni Sagaden ka masasigilan na kè o dugu kònò. A ka jònw na a bato. 4 U na a ɲèda ye, a tògò na kè u tenw na. 5 Su tèna ko tun. U mago tèna kè lanpa la tun, wala tile, katuguni Matigi Ala yèrè na kènè bò u ye. U na kè masaw ye badaa-badaa. 6 O kò, a y'a fò ne ye ko: «Nin kumaw ye kuma jèlenw ye, kuma sèbèw don. Ko minnu bèna kè sòòni, kiraw niw ka Matigi Ala, o ye a ka mèlèkè ci ka na o kow jira a ka jònw la.» 7 «A filè, ne bè na sòòni. Min bè nin kitabu kiraya kumaw mara, o ye dubaden ye.» 8 Ne Yuhana ye o kow mèn ka u ye. Ne ye u mèn ka u ye minkè, mèlèkè min ye o kow jira ne la, ne ye n'bin o sen kòrò, ne tun b'a fè k'a bato. 9 A y'a fò ko ne kana o kè, ko a ye ne jònɲògòn ye, ani minnu bè nin kitabu kumaw mara, ko ne ka Ala bato. 10 O kò, a y'a fò ne ye ko: «I kana nin kitabu kiraya kuma datugu, katuguni a waati surunyara. 11 Min ye tilenbali ye, o ka to a ka tilenbaliya la. Min nògòlen don, o ka to a ka nògòlenya la. Min tilennen don, o ka to a ka tilennenya la. Min ka senu, o ka to a ka senumaya la.» 12 «A filè, ne bè na sòòni. Ne ka sara fènw bè ne bolo, walisa ne ka mògòw bèè kelen-kelen sara ka kèɲè ni u ka kèwalew ye. 13 Ne ye Alifa ni Omega ye, fòlò ni kosa, daminè ni laban.» 14 Minnu bè u ka finiw ko walisa u ka se ka ɲènamaya jiriden dò sòrò, ka don o dugu daw fè, olu ye dubadenw de ye. 15 Nka wuluw bè kènèma, ani subaaw ni jatòw ni mògò fagalaw ni bolibatobaaw ani nkalon ka di minnu bèè ye ani minnu bèè bè nkalon tigè. 16 «Ne Yesu ye ne ka mèlèkè ci ka taa o kow seereya kè aw ye egilisiw kònò. Ne ye Dawuda dili ni a bònsòn ye, ani kènèbòda dolo manamanatò.» 17 Ni Senu ni kòɲòmuso b'a fò ko: «Na!» Min b'a mèn, o k'a fò fana ko: «Na!» Minnògò bè min na, o ka na. Min b'a fè, o ka ɲènamaya ji min gansan. 18 Minnu bè nin kitabu kiraya kumaw mèn, ne bè nin kuma fò olu bèè ye ko: «Ni mògò min ye dò fara o kumaw kan, tòòrò ko minnu sèbènnen bè nin kitabu la, Ala na olu fara o tigi ta kan. 19 Ni mògò min ye dò bò nin kitabu kiraya kumaw la, Ala na o tigi niyòrò bò ɲènamaya jiri ni dugu senuma la, olu minnu ko sèbènnen bè nin kitabu la.» 20 Min bè nin kow seereya kè, o ko: «Owò, ne bè na sòòni.» Amiina, i ka na, Matigi Yesu. 21 Matigi Yesu ka nèèma ka kè aw bèè fè. Amiina.



AMAZING GRACE BIBLE INSTITUTE