2 Jean11 Ne, egilisi cèkòròba bè nin sèbèn ci muso ɲènatòmòlen ni a denw ma. Ne bè aw kanu tiɲè la, ne kelen tè dè, nka tiɲè dònbaaw bèè fana. 2 Tiɲè min tolen bè an na ka kè an fè badaa-badaa, ne bè aw kanu o tiɲè kosòn. 3 Nèèma ni hinè ani dususuma na kè an fè ka bò Fa Ala ni a Denkè Yesu Krisita la tiɲè ni kanuya la. 4 Ne ɲagalila kosèbè k'a ye ko i den dòw bè taama tiɲè sira kan, i ko an ye ci fòlen sòrò an Fa fè cogo min na. 5 Ayiwa sisan, muso, ne b'i deli ko an ka to ka ɲògòn kanu. Ne bè min sèbèn, o tè ci fòlen kura ye, nka an ye min sòrò kabini fòlòfòlò, o de don. 6 Kanuya ye nin de ye, ko aw ka taama ka kèɲè ni a ka ci fòlenw ye. Aw ye ci min mèn kabini fòlòfòlò, walisa aw ka taama a la, o don. 7 Lafilibaa caman bòra, u bè diɲè la. U tè sòn k'a fò ko Yesu Krisita farisogoma nana. Min bè ten, o ye lafilibaa ye, Krisita kèlèbaa don. 8 A' ye aw yèrèw kòlòsi dè, walisa aw ye baara min kè, aw kana bònè o la, nka aw ka baraji dafalen sòrò. 9 Mògò o mògò bè taa ɲè k'a sòrò u tè to Krisita ka kalan kan, Ala tè o tigi fè. Min bè to o kalan kan, Fa Ala ni a Denkè bè o fè. 10 Ni mògò dò nana aw ka so, k'a sòrò a ma na ni nin kalan ye, aw kana o ladon aw fè, aw kana a fo fana. 11 K'a masòrò min b'a fo, o kèra a jèɲògòn ye a ka kèwale juguw la. 12 Fèn caman bè ne fè ka u fò aw ye, nka ne t'a fè ka olu kè ni sèbènfura ni lankiri ye. Ne b'a fè ka taa ka kuma aw fè da ni da, walisa an ka ɲagali ka dafa. 13 I balimamuso, Ala ka ɲènatòmòlen kòni, o denw bè i fo. |