1. ”Ebibilia Enchenu” engencho yaye, nokobekwa amo gwe chibuke emerongo etano nemo na bitano na kemo, gochakera Omochakano goika Okomaanoka, buna biarigetwe agwo ritang’ani tari aze ogotwera amo na koraria ring’ana ria Nyasaye korende niya bire Ring’ana ria Nyasaye.


2. Ase ogouterwa omoika engencho yaye neri nga’ chibuka aze Ebibilia nigo chiarigetwe nabanto abachenu bakare, buma bachigetwe n’ Omoika Omochenu aze enchere yoboikeraniu eyegerete amriko abo akaegwa okobua okonene na gouterwa omoka na koegwa obosibore bwa amamocha goetania amariko ande onsi aze obok bwenze.


3. Ebibilia ekaonchorerigwa korwa aze Ebibiia Y’Omoruotti Yakobo aze omonwa bwa Abazongo na Amariko amanyene aze abanto ng’a narende Rin’ana riaye Aseigo nakeene, bwegene gose tibwegena.

2. Igoro ya Nyasaye Bw’ekeene

3. Igoro Y’Omoika Omochenu

4. Igoro ya Birecha / Saitani

Saitani nigo arenge omomalaika o Nyasae omonyakieni mono na akanacha ekina eria abe buna Nyasae. Aze obuenenu bwaye na ogwekaga akagenda Mamincha na Omnene akamoroseria gaze (enyancha y’omorero) akamoseria korwa igo amo na ababwatani baye. Nigo baramanye kare na kare ase enyancha y’omorero amo neoromom etari nonwerio. Bono nigo akarokwa omoruoti na okobua aze amare omoika ogokora emeremo aze abana koigwera. Nere omotemi omonene o Mwanyabanto, Omobisa o Nyasae na Kristo, Omosoeri bwa abachenu, Omochaki bwe chitini chioborimo, nere oretire amorokererio y’oborimo, omotang’ani bworia ore mamincha ya Kristo, Omochakano bwe chinguru chi’omosunte – omoerio oye nigo arabugwe kegima aze amaboko y’omwana o Nyasae, na konacherwa ekiwa ki’oboronge bwa kare na kare aze omorero o kare na kare. Birecha tari nokobua gwanze naende takonyare koba kare ase ase ekero ekemo. Nigo are naba-bwatani baye abakora ogwancha kwaye. Nyasaye nere ore n’okobua gwanzi.

5. Igoro Y’obotangi

Igo twegenete obotangi buna erikire Omochakano, nayio nigo agwancheranwa buna arikire tari ase ogokagera gose ase ebirengererio; omonto nigo atongetwe ase omogwekano o Nyasae omonyene; Naki omonto tatongetwe korwa ase ogoonchelea kw’ebitongowa gose kogenderera ase ebiro bitari koera korwa ase oboke goika ase obonene; chingita chinsi amo nobogima bw’ebimeri ni bore koreng’ana buna biatongetwe, naboigo ogochika kwa Nyasae nigo kore ng’a binyare ekemo. Buna Nyasae atongete omosacha na omokungu, nigo twegenete ng’a okonyuomana kwa boronge nigo kore gati ya Omosacha na omokungu. Eve agachika okomanyana kemobere nigo koganene ase enyuomo oka. Nigo twegenete ng’a komanyana kemobere gati y’omusacha n’omosacha, omokungu n’omukungu, omonto n’echingiti, abanto benyomba eyomo, obonyaka, obotomani; nigo bire mamicha y’ekeegwa kia Nyasae giokomanyana kemobere. Nigo twegenete ng’a komanyana kemobere gati y’omosacha n’omosacha, omokungu n’omokungu, omonto n’echingiti, abanto b’enyomba eyemo, obonyaka, obotomani; nigo bire mamincha y’ikeegwa kia Nyasae giokomanyana kemobere. Nigo twegenete ng’a Nyasae tancheti omosacha aoncherwa koba omukungu gase omukungu koba omosacha enchera y’okobaarwa gose goonchera ekieni.

Titwegeneti amoorokererio y’okobagana (okabagana kwebiro aze ekebungo egatangani amo n’egiakabere aze Omochakano) abanto abange nigo begenete boigo, intwe aiga ase Ekanisa Y’obuya Bw’ogokumi Bwobbatisi Titwancheraneti nayio.

6. Igore Y’okogwa Kw’omonto

Nigo twegenete ng’a monto nigo atongetwe otari na kemoa korengana n’erichiko ri’omotangi, korende ase okomocha gaanchete akagwa korwa ase omogoko na gotaba nebibe, omoerio oye abanto bonzi bagakorwa abanyabibe, tari ase okobetererigwa korende ase ogwancha, aseigo koba inse y’okoyambigwa kwa boronge batanyare kwerwanerera na kwerusia. Nigo tore nokoragarerigwa kwebibe n’amakweri igoro yaito nase chinkoro chiaito asengencho y’okwanga koigwa ayio Nyasae atotebirie maiso morore. Nigo togendererete ase chingencho chiaito totari gokora ayio Nyasae atebire.

7. Igoro Y’okoibora Kw’omoiseke Omwekungi

Nigo twegenete ng’a Yesu nigo gikeranetie obobani bwa Isaya igoro y’ogocha kwa masiha. Nere ore omobere bw’eira buna yaikeranetigwe. Buna Yohana Omubatisi atebete “Roho Omwana o Nyasae”!

Nigo twegenete ng’a Yesu Kristo nigo aiboretwe n’ Omoika omochenu ase enchera Y’egekone; akaiborwa na Mariamu, omoiseke omwekungi na taiyo oraiborwa buna ere naende nigo are omwana na Nyasae Omwana.

8. Igoro Y’okorusigwa Kw’ebibe

Nigo twegenete nigo ogotoorigwa kw’omonyabibe nigo kore goetera ase obua; goetera ase ogwancha kwaya akaboyia obomobere bwaito, Atari nekebe, akaigwa richiko goetera ase okoigwera na goetera ase ogokwa kwaye akareta okurusigwe kw’ebibe ase aboikaranu; okorusia kwaye ebibe tikwarenge ase ogoitwa ase engencho Y’Enchili krende nase okweerwa ase omonyene ase rika riomonyabibe, omonyene oboronge ogokwa aseribaga ria abatari boronge, Kristo, Omonene, Okobogoria ebibe biaito ase omobere oye igoro ase omote; kabokire korwa ase abakure, nigo aikaransete ase ekeroga ki’obonene igoro na kobwatania obonto bwaye bwogokumia amu na oboikeranu bwaye bw’obonyazae. Oikeranirie koba omotoria bw’ekeene naende omonyamabera mono.

9. Igoro Y’obuya na Ogotongwa okoyia

Nigo twegenete ng’a erio onyare gotoorigwa, omonyabibe goika twegenete ng’a, erio onyare gotoorigwa, omonyabibe goika aiborwe eria kabere; okoiborwa okoyia n’ogotangwa okoyia, ime ya Kristo Yeso, nigo kore abwo nabwo tari nyuma yengaki, ng’a ase okoiborwa okoyia oria okwete ase okomocha n’ebibe biaye okorirwe koba enzemo y’ombere bw’obo Nyasae nabigo konya ekeegwa kia bosa kia Nyasae ki’obogima bwa kare na kare, ng’a ogotangwa okoyia nigo gokeretwa nenencho etayare komanyekana tari ase chingencho, gose orogendo, gose ogwancha kwa Mwanyabanto korende kegima ngoetera ase okobua kw’Omoika Omchenu kbwatana n’ekeene ki’obo Nyasae na konyora okoigwera gwaito ase Encili.

10. Ogotooreka N’ekeegwa korwa ase Nyasae

Nigo twegenete ase obuya bwa Nyasae bwo obochori, ng’a amasesenia yogotooreka nigo akonyorekana bosa ase abanto bonsi goetera ase Enchili; Kera Oyomo nigo agenerie koyancherana, n’okwegena kw’oboitongo, ogosaba ambera amo n’okoigwera, na kende nkeiyo keratange ogotooreka kw’omonyabibe omonene kegima ase oboiko bwenze otatiga okogania kwaye okobe nase ogwancha gokana Enchili; ase ogokana nigo gokorenta okogambigwa okonene. Kogokorera emeremo nigo koragera kobe ogoakanwa.

11. Igoro Y’okabarerwa Oboronge

Nigo twegenete ng’a ogosesnigwa okonene gw’enchili okwo Krsito abanyoreire baria begenire ere n’okabarerwa oboronge; nga okabarerwa oboronge bwa kare na okwaberwa ebibe, ekeegwa ki’obogima bwa kare na kare ase amachiko yoboronge; arwetwe tari ase okorigeeria ogokora okwegena ase amanyinga Y’omobooria, oboronge obwo atoeire.

12. Igoro Y’okwaberwa na Okwegena

Nigo twegenete ng’a ogosaba amabera n’okwegena nigoro yaito amo nobuya botari gwatananwa ime goetera ase Omoika o Nyasae; asayiro gwatwaoororigwe okomucha goetera ase Kristo, nigo tukomoiranera Nyasae nogweitia gw’ekeene, ogokana ebibe amo na amasabo konyara amabera; naboiga ase amogoko komwanchera omonene YesoKristo na gwatera Maiso morore ng’a nere bweka omotooria oito omoikeranu.

13. Igoro Y’Ekanisa

Nigo twegenete nga abanto bansi nigo barengaine kemoika ase abosio bwa Nyasae, korende Nyasae obekire emeremo ao ao ya kemoika ase abasacha na abakungu inka na ime y’ekanisa. Omosacha nigo aganeire koba omotang’ani ase enka naboigo abasacha nigo baganeine koba Abarai (Abarisia na Abagaaka) ase Ekanisa. Ase eyio Abasacha nabwo bare nokbua kw’ogochora Abarisia ase Ekanisa.

Nigo twegenete ng’a emeremo emenene y’ekanisa nigo yagachire ase obroso bw’obotomwa obonene: Ritang’ani- kobakora abanto koba aboorokigwa, Eriakabera-koagacha Ekanisa, Eriagatoto-Kwoorokia na buna achiget. Titwegeneti Mamincha y’okoragwa oko: nigo twancheraneta ng’a Ekanisa nigo ere n’oboronge bwanzi bw’okwegambera, etari gochegigwa n’oboruti, abanto, gose emezangererekano; naboigo omonene oye oyomo oyore bweka nare Kristo goetera ase Omoika omocheni’ nigo ere Koreng’ana n’Amariko ase chikanisa chiekeene kobwaterena ase okogendereria enchili; kera Ekanisa nero ekonacha ekina ase ekerengo n’engencho y’okobwatana ase egati yabo; ase amang’ana y’okwerika, Ekerenga, obogambi, Chigencho, Okwerrwa, ogwanche gwekanisa n’okwomoerio. Ker ekanisa nero ekonacho ekina ase emotoberio yabo. Nero ere n’okobua gwokorika na kobuta abokoreri bayo.

Abalawi 27:31
Onye omonto oganetie kobooria ensemo yaye ya ikomi, nigo aramente eyemo ya isiano ase rigoro riaye.

Malaki 3:10
Inwe renta ensemo ya ikomi eng’ikeranu ase ekungo y’enyomba yane, erinde endagera ebe ase eyomba yane. Ase enchera eyio inwe monteeme gose tinkobaigorera ebibao bia igoro mbaumorere ogosesenigwa okonge mono gotari korengeka. Nabo inche OMONENE bw’Emeganda ngoteba.

Mathayo 28:19-20
19. Gaki genda mokore ebisaku bionsi koba aborokigwa, mokobabatisa as'erieta ria Tata, neri'Omwana, neri'Omoika Omochenu:
20. mokoborokereria koyabwata onsi nabachigete; nainche igande amo nainwe amatuko onsi, goika omoerio bw'ense.

Ogokora 2:41-42
41. Nabarabwo abaribwatete ring'ana riaye as'omogoko bakabatiswa: nerituko riria bakamenterwa abanto koreng'ana chilifu isato.
42. Bakaba ngoikaransabare agwo, as'okworokereria kw'abatomwa, nas'obomo, nas'ogosamunyora omogati, nas'ogosaba.

Ogokora 6:5-6
5. Ring'ana eri rikagwenera as'omosangererekano bwonsi: bakamochora Stefano, omonto oichire nokwegena n'Omoika Omochenu, na Filipo, na Prokoro, na Nikanora, na Timon, na Parmena, na Nikolao omworokigwa bw'Antiokia:
6. bakababeka as'obosio bw'abatomwa: erio bachia gokora ogosaba bakabeka amaboko abo igoro yabo.

Ogokora 14:23
Erio kobachorire abagaka ase ker'ekanisa nagosaba amo nakweng'ata, bakababeka as 'amaboko Omonene, oyo begenete.

Ogokora 15:22-23
22. Then pleased it the apostles and elders, with the whole church, to send chosen men of their own company to Antioch with Paul and Barnabas; namely, Judas surnamed Barsabas, and Silas, chief men among the brethren:
23. And they wrote letters by them after this manner; The apostles and elders and brethren send greeting unto the brethren which are of the Gentiles in Antioch and Syria and Cilicia:

Ogokora 20:15-28
15. Tokamanora korwa agwo, nerituko ria kabere, togaika aas'arigerereti Kio; rituko ria kabere riaye togaika Samos, togaikaransa Trogullio, rituko ria kabere riaye togaika Mileto.
16. Naki Paulo igarengereretie goeta Efeso nobwato, tabaisa gotebana as'Asia; naki igare koayerera, akarigia goika Yerusalemu rituko ria Pentekote, keranyarekane.
17. Korwa Mileto Paulo agatoma abanto kogenda goika Efeso, akabarangeria abagaka b'ekanisa.
18. Bagachia goika asare, akabatebia, Inwe mwamanyire korwa rituko rie ritang'ani nachagete gotacha aiga Asia, buna narenge asemore ekero gionsi
19. nkomokorera Omonene as'obokanyeku bwonsi, namariga, nemechando emenge nanyorete as'ogotega kw'Abayahudi:
20. ng'a tinabisete ring'ana rinde rionsi eriranyare kobagwenera, korende naborogetie maiso marore enyomba as'enyomba.
21. Nakobaorokeria Abayahudi n'Abayunani okoonchoka kore ase Nyasaye, nokwegena kore as'Omonene oito Yesu Kristo.
22. Gaki, bono rora, nabwatirie enchera kogenda Yerusalemu nasibirwe as'enkoro yane, timanyeti ayaranyore aria:
23. tatiga ng'a Omoika Omochenu omochie as'omochie igogontebia, ng'a ebisibo nemechando binganyete.
24. Korende timbobareti obogima bwane ng'a negento kie rigori asende, erinde ndokore orogendo rwane, nobosomba boria nanyorete as'Omonene Yesu, koorokia enchili y'obuya bwa Nyasaye.
25. Na bono inche namanyire ng'a inwe mwensi abanaranderetie obonda bwa Nyasaye, nare kogenda aria naria, timokondora obosio bwane naende.
26. As'ayio nabaorokeirie bonsi ase rituko eri ria rero, ng'a inche tindi nabibe as'amanyinga ay'omont'onde bwonsi.
27. Naki tinangete kobaranderia amang'ana ay'okworokereria gwonsi kwa Nyasaye.
28. Erigererie inwe abanyene, neriicho rionsi, erio Omoika Omochenu abaete mobe abarendi, koyerisia ekanisa yaye Nyasaye, eyenyorerete as'amanyinga aye omonyene..

I Abakorintho 5:11-13
11. Korende bono nabarikeire ng'a timosang'anana nomonto okorokwa oyomino, karabe omotomani, gose oyokorengereria, gose oyogosaba chisanamu gose omorami, gose oyogotinda gose omouri; omonto onga buna oyo timwancha nonya nkoria nere.
12. Korende nangwenerete ki kobagambia baria bare isiko? Nainwe timori kobagambia abare ime?
13. Korende abwo bare isiko Nyasaye nabagambie. Moserie omonto oria omobe, taba asemore

I Abakorintho 6:1-3
1. Inee! omonto onde oino karabe nering'ana as'oyomwabo agweneire agambigwe as'abwo batari boronge gose tari as'obosio bw'abachenu?
2. Gose timomanyeti ng'a abachenu nabagambie ense? na onye ense negambigwe nainwe, inee! timogwenereti kogamba ebina ebire ebike?
3. Timomanyeti ng'a natogambie amalaika? tari kchua mono amang'ana obogima obo?

I Abakorintho 11:2
Naende nabatogirie baminto as'engecho mwang'inyoire as'amang'ana onsi, nainwe mwayabwatire aria nabaete koreng'ana buna nabaete.

I Abakorintho 12:4
Nkore ogwatananeka kw'ebiegwa, korende Omoika noro oria oria.

I Abakorintho 12:8-11
8. Naki omonto oyomo as'Omoika aegwa ring'ana ri'obong'aini; nonde ring'ana rie chisemi, as'Omoika oyomo:
9. onde okwegena as'Omoika oyomo; nonde okoegwa gw'okogwenia, as'Omoika oyomo
10. nonde gokora emeremo y'ebikone; nonde obobani; nonde ogwatanana emeika; nonde chingecho chi'emenwa; nonde ogoonchora emenwa.
11. Korende emeremo eye yonsi ekorwa n'Omoika oyo oyomo, oria oria, okogabera ker'oyomo buna anchete ere.

I Abakorintho 16:1-2
1. Bono as'esadaka y'abachenu, buna nachigete chikanisa chia Galatia, nainwe kora boigo.
2. Rituko rie ritang'ani ri'echuma ker'omonto agache emonga asare, koreng'ana buna ogosesenigwa kwaye, erinde esadaka terugwa ekero nachire.

Abaefeso 1:22
akabibeka ebinto bionsi inse as'amagoro aye, akamobeka abe omotwe igoro y'ebinto bionsi as'engecho y'ekanisa,br>
Abaefeso 4:11
Nere akabaa abande babe abatomwa; nabande babe ababani; nabande babe abarandia; nabande babe abarisia naborokia;

Abaefeso 5:23-24
23 Naki omosacha nomotwe bw'omokungu, buna Kristo are omotwe bw'ekanisa, nere nomokonyi bw'omobere.
24 Naboigo buna ekanisa ekomokorera Kristo, naboigo nabakungu babakorere abasacha babo ase kera ring'ana.

Abakolosai 1:18
And he is the head of the body, the church who is the beginning, the firstborn from the dead; that in all things he might have the preeminence.

1 Timotheo 3:1-13
1. Ring'ana eri neri'ekeene, Omonto karigetie emeremo y'oboaskofu, (omotang'ani) orengereirie emeremo emiya.
2. Gaki nagwenerete omoaskofu koba omonto otari kwomanigwa, omonto ore nomokungu oyomo, omweriti, nakwerenga ne chisemi, omonyene chingecho chigwenerete, omoroisia abageni, omworokereria
3 tari omonto onarete edivai, tari omoaki, tari omonto bwanchete chifetha; korende abe omwororo, taba omonto okoamererania;
4 ab'omonto otenenetie enyomba yaye buya, omanyete kobakania abana baye amo nobong'aini boisanete;
5 (omonto otamanyeti gotenenera enyomba yaye buya omonyene, naki ararende ekanisa ya Nyasaye?) .
6 tari omonto omoyia, tabaisa gocha koenena, agwe as'ekina kia saitani.
7. Nagwenerete gwatorwa ng'a nomuya nabanto bare isiko, tabaisa kogwa as'obobe nobeto ya saitani.
8. Naboigo nabadikoni, babe abanto b'obokanyeku, tari abare nemenwa ebere, tari abanto bakonywa edivai enyinge, babe abanto batakorengereria chifetha chi'obosoku;
9. babwate obobisi bw'okwegena as'ebirengererio ebiya.
10. Naba bonsi batemwe ritang'ani; nyuma bakorere obodikoni kobatiekire kororekana batari nabibe.
11. Naboigo abakungu babe abanto b'obokanyeku, tari abang'achi, abanto aberiti, ab'ekeene as'amang'ana onsi.
12. Abadikoni babe nomokungu oyomo, nakobatenenera abana babo buya nechinyomba chiabo.
13. Naki abagokora emeremo y'obodikoni buya, benyoreire obonene obuya, noboremu obonge as'okwegena kore ase Kristo Yesu,

14. Igoro Y’Ebatiso N’Endagera Y’omoeirio

Nigo twegenete ng’a okobatiswe kw’omokristo nase enchera y’okobekwa ime y’amache, ase erieta ria Tata, Erio, Omwana, Nerio Omoika Omochenu, amo nokobua gweEkanisa kororekani ekamenyarerio egesiani n’ekiamasikani kiokwegena gwaito ase oric obambetwe, agatindekwa, omotooria oyobokire korwa ase abakure ase akoreta ogkwa gwaito ase ebibe na akobokigwa gosoa ase buyima obiyia; ekemo kia biria biganeiri ase ekanisa koreng’ana na Endagera Y’omoerio, ase ayio ababwatani bonsi b’Ekanisa, ase ogotumea omogati ase enchera y’amasikini nogocheneka, amo na okwama KW’ omosabibu nigo ase oomo bakoinyora amo obwanchari botokoera bwa Kristo obwo bogotangenerwa n’okweringoria. Okwama uko nigo kore okomitwa kw’emesabibu okwo kokoorokia amanyinga Atari na kemoa a Yesu Kristo ayaiterew asengencho yaitos omogati otabekerie ememera oyokwokia omobera Yesu otari na kemwa oria okwete ase engencho yaito.

Mathayo 3:6
bakobatiswa nere as'oroche rwa Yorodan, aroro bagoteba ebibe biabo.

Mathayo 3:16
Na Yesu erio abatiswa agatira korwa as'amache; erio nario igoro akamomanokera akayorora Omoika o Nyasaye ogoika buna riruma, rigocha igoro asare.

Mathayo 28:19-20
19 Gaki genda mokore ebisaku bionsi koba aborokigwa, mokobabatisa as'erieta ria Tata, neri'Omwana, neri'Omoika Omochenu:
20 mokoborokereria koyabwata onsi nabachigete; nainche igande amo nainwe amatuko onsi, goika omoerio bw'ense.

Yohana 3:23
Yohana nere igarenge kobatisa aria Ainon, ang'e na Salim, ekiagera narenge amache amange: abanto bakomochiera bakobatiswa.

Ogokora 2:41-42
41. Nabarabwo abaribwatete ring'ana riaye as'omogoko bakabatiswa: nerituko riria bakamenterwa abanto koreng'ana chilifu isato.
42. Bakaba ngoikaransabare agwo, as'okworokereria kw'abatomwa, nas'obomo, nas'ogosamunyora omogati, nas'ogosaba.

Ogokora 8:36-39
36. Bakaba bakogenderera nchera bagaika as'amache are: oria omogomba akabora, Inki kerantange timbatiswa?
37. Filipo agateba, koranche as'omoyo oo bwonsi, mbuya. Akairaneria, agakwana, Namwanchire Omwana o Nyasaye ng'a nere Yesu Kristo,
38. Agachika egari eria etenene: bagatirimboka bonsi babere as'amache, Filipo noria omogomba; akamobatisa.
39. Erio, bagachia korwa as'amache, Omoika bw'Omonene.

Abarumi 6:3-5
3. Timomanyeti ng'a intwe twensi twabatisetwe ase Yesu Kristo igo twabatisetwe as'amakweri aye?
4. Naboigo twatindegetwe amo nere as'enchera y'ebatiso as'amakweri aye: koreng'ana buna Kristo abogete as'enchera y'obonene bw'Ise, naboigo naintwe, totare as'oboyia bw'obogima.
5. Naki onye twabwatanire amo nere as'omogwekano bw'amakweri aye, naboigo nas'omogwekano bw'okoboka kwaye;

I Abakorintho 11:23-28
23. Naki inche nkanyora as'Omonene ayanabaeire inwe, ng'a Omonene Yesu obotuko boria aruetwe, akabogoria omogati;
24. gatiekire koiraneria ng'a mbuya, agasamunyora, akabora, Oyo noro omobere one ore as'engecho yaino: kora iga as'okong'inyora inche.
25. Naboigo nekio egekombe nyuma as'okoria, akabora, Egekombe eke neki emuma enyia as'amanyinga ane: kora iga ekero mokonywa as'okong'inyora inche.
26. Naki ekero mokoria omogati oyo nakonywera egekombe eke, mwarandirie amakweri Omonene goika achiche.
27. Gaki ker'oyokoria omogati oyo, gose konywera egekombe eke, atagwenereti, nabe nkwenyorerare obobe as 'engecho y'omobere namanyinga Omonene.
28. Korende omonto erenge omonyene, erio arie omogati nakonywera egekombe.

Abakolosai 2:12
kamoratindekwe amo nere as'ebatiso, nas'okwo mwabokigwe amo nere, as'okwegena ogokora kwa Nyasaye oyomobogetie korwa as'amakweri.

15. Igoro Y’okobarenda Abuchenu

Nigo twegenete ng’a baria bare abegeni bekeene nabwo bararemererie ng’a omoerio, ng’a okobwatana kwabo na Kristo ase okoremereria n’ekemanyererio ekenene kegima ekio nareo oyorendete okogenderera kwabo ase obiya, na nigo barendire n’echingura chia Nyasae goetera ase okwegena goikera gwa kare na kare.

Zaburi 121:3
Ere tagotiga okogoro kwao gotererigwe; oyokorendete tagosundoka.

Mathayo 6:20
korende chinibo chiaino chigache igoro, as'egento getagosareka as'ebigwankwa gose obobosu, nabaibi tibakobochora nonya nkoiba.

Mathayo 13:19-21
19. Omonto bwonsi orabe nkoigware ring'ana ri'obonda, gotarinyora, nigo agocha oria omobe, oritaboria riria riasimekirwre as'omoyo oye; oyo nere obusuirwe enchera mbarabare,
20. Noyo obusuirwe amagena ime nere okoriigwa riria ring'ana, akaribwata bwango nomogoko;
21. korende tari nemeri omonyene, ogenderera egeka egeke; korende emechando egochigocha, gose ogochandwa ekiagera ase ring'ana riria, erio ogochwa.

Yohana 8:31-32
31 31 Nabo Yesu akabatebia Abayahudi baria bamwegenete, Komoraikaranse ase ring'ana riane, erio more aborokigwa bane b'ekeene;
32 Naende namomanye ekeene, nakerokio ekeene nakebasibore.

Yohana 10:28-29
28. Nainche nachieire obogima bwa kare nakare; na chirochio tichigosira nonya ng'ake, nonya nomonto tagochitaboria korwa as'okoboko kwane.
29. Tata one oching'eire nomonene kobua bonsi; nonde takonyara gochitaboria korwa as'okoboko kwa Tata.

Yohana 16:8
Nabo bagateba, Ing'ana ki eri agoteba, ng'a nkere ekero egeke? Titomanyeti eri agokwana.

Abarumi 8:28
Na twamanyire ng'a amang'ana onsi igakoba amo as'ogokora okomo, erio abanyorera amaya baria bamwanchete Nyasaye, barabwo baria barangerigwe as'engecho yaye.

Abarumi 8:35-39
35. Ning'o oratwatanane nobwanchani bwa Kristo, Inee, nogochandwa, gose obororo, gose nokorosigwa, gose nenchara, gose gesobono, gose nemechando, gose nemioro?
36. Buna yarigetwe, As'engecho yao igotogoitwa omobaso boira; Twabarirwe koba buna ching'ondi chi'okonyenywa.
37. Korende as'amang'ana aya onsi twabaire ababui, nakobua nas'ere oyotwanchete.
38. Naki natiekire komanya boronge ng'a nonya namakweri takonyara gotwatanana, nonya nobogima, nonya namalaika, nonya nabanyene chinguru, nonya nabanyene okobua, nonya nayare aroro, nonya nayagocha kobao,
39. nonya nayare igoro, nonya nayare inse, nonya negetdngwa kende

Abafilipi 1:6
erinyanchete nario eri, ng'a ere oyochagete emeremo emiya emioyo yaino ime nayekore goika rituko ria Yesu Kristo:

Abakolosai 1:21-23
21. Nainwe, igoniwareuge agwo ritang'ani, mwatananetwe nere, nababisa as'ebirengererio biaino, as'ogokora kwaino okobe, obasang'ananirie bono,
22. as'omobere bw'euyama yaye as'ogokwa kwaye, erio abarente inwe as'obosio bwaye, abachenu, motari nokomocha gose kemoa:
23. komoraikaranse botambe as'okwegena, mwabaire igoro as'oboroso naende abakong'u, motaonchoiri nagotiga ogosemeria gw'enchili mwaigwete amang'ana aye, arandigwe as'ebitongwa bionsi bire inse as'erioba; as'ayio inche Paulo ngakorwa omokori oye.

Abaibirania 1:14
Abwo bonsi tari emeika y'ogokorera bagotomwa kobakorera baria bagocha koira omwando bw'ogokonyeka?

I Petero 1:5
abwo morendire nechinguru chia Nyasaye as'enchera y'okwegena monyore ogotoreka kore ang'e koorokigwa ekero ki'omoerio.

I John 2:19
Abaruete asetore, korende tibarenge asetore; ekiagera onye mbarenge asetore, anga mbaikardnsete amo naintwe: korende barureo erinde baorokigwe ng'a tai bonsi bare asetore.

16. Igoro Y’oboronge Na Abanyabibe

Nigo twegenete ng’a ogwatananeka nkoreo kegima gati y’Abanyene oboronge na Abanyabibe ng’a baria babarirwe koba abayene oboronge ase okwegeno goetera ase Errieta ria Yeso Kristo, abaatanarirwe n’omoika o Nyasae oito nigo bare abanyene oboronge asare ere omonyene; naende mbareo baria bangire kwaangama, na kwegena, ase obosi bwaye n’Abanyabibe, na nigo baragereirie, naogwaatanenekana oko nigo kogenderete kabao ase egati y’abanto ime na nyuma y’amakweri ase bwa baria batoorigwe na ogochandeka kw’ebirengerio ase baria abasira.

Omochakano 18;23
Ibrahimu agaobosio gochia ase Omonene, akamoboboria, “Inee Amaene, nigo orasirie abanyene oboronge amo nabakori amabe?

Emerenga’anio 11:31
Onye omonyene oboronge okonyora eng’eria yaye aiga ase ense, Inee, omokori amabe na omonyabibe, abwo tibakoegwa eng’eria yabo goetania?

Emerenga’anio 14:32
Omokori amabe nigo agotugutwa riarua ase engencho y’ogokora kwaye okobe, korende omonyene oboronge nigo agokwa ore nogosemeria.

Malachi 3:18
Then shall ye return, and discern between the righteous and the wicked, between him that serveth God and him that serveth him not.

Matthew 7:13-14
13 Soa inwe as'egesieri kere ekegote; ekiagera egesieri nekegare, nenchera nengare ekogenda obosirij nabange bakogesoa ekio.
14 Ekiagera egesieri nekegote, nenchera nenyerere ekogenda as'obogima, nabakonyerora nabake.

Mathayo 25:34
Erio oria omoruoti nabatebie abare okoboko kwaye gw'okorio, Nchuo inwe mwasesenetigwe na Tata one, soa as'obonda mwaroiseretigwe korwa ogotongwa gw'ense.

Luka 9:26
Ekiagera ker'omonto orandorere obosoku inche namang'ana ane, Omwana-o-mwanyabanto namororere obosoku oyio kagocha as'obonene bwaye, nobw'Ise oye, nobw'amalaika amachenu.

Luka 16:25
Ibrahimu akabora, Omwana one, inyora buna kwanyorete amaya ao as'obogima bwao, na Lazaro boigo akanyora amabe: korende bono ere igare aiga ogokigwe, naye ngochandekore.

Yohana 8:21
Yesu akabatebia naende, Inche nkogendande, nainwe namondigie, namokwe as'ebibe biaino: aase nkogenda inche, inwe timokonyara gocha,

Yohana 12:25
Oyoranche obogima bwaye nabosirie; oyorabogeche obogima bwaye as'ense eye nabogache goika obogima bwa kare nakare.

Ogokora 10:34-35
34. Peteroo akamonora omonwa oye, akabora, Ekeene natiekire komanya ng'a Nyasaye tari nagwanchereria:
35. korende ase ker'egesaku omonto omoirogetp nagokora oboronge igagwancherwa nere,

Abarumi 1:1
Paulo, omosomba o Yesu Kristo, orangeretigwe koba omotomwa, orusananetigwe koyerandie enchili ya Nyasaye,

Abarumi 6:16-18
16. Timomanyeti ng'a asere oria mwarure emebere yaino koba abasomba baye nakomokorera, igo more abasomba baye ere oria moigwerete: onye nobosomba bw'ebibe bokoreta amakweri, gose obosomba bw'okoigwera bokoreta oboronge?
17. Korende Nyasaye aakerwe ng'a mbuya mono, ekiagera mwarenge abasomba b'ebibe korende mokaigwera as'emioyo yaino buna okworokererigwa koria mwabegetwe inse asekore;
18. nekero mwasiboretwe korwa as'ebibe mogakorwa abasomba b'oboronge.

Abarumi 6:23
Naki eng'eria y'ebibe namakweri; korende ekeegwa kia Nyasaye nobogima bwa kare nakare ase Yesu Kristo Omonene oito.

Abarumi 7:6
Ko bono twarusigwe as'amachiko, twakwereire ebibe biria biatobwatete: tonyare gokora intwe engecho enyia ime as'emioyo, tari as'engecho ya kare, as'amachiko arigetwe.

I Abakorintho 15:22
Ekiagera as'Adamu bonsi bagakwa, naboigo nase Kristo bonsi nababokigwe.

Galatians 3:10
Naki baria bonsi bare as'ogokora kw'amachiko, igo bare inse as'okoragererigwa: naki nerikire, Oragererigwe ker'omonto oyotari kobwata onsi ayarikire as'ebuku y'amachiko, ayakore.

I Petero 4:18
N'omonyene oboronge karakonyeke as'emechando, oria otamoirogeti Nyasaye nomonyene ebibe ng'ai ararorekane?

I John 2:7
Abanchani, timbarikereti ogochika okoyia, korende koria gwa kare mwarenge nakorokwo korwa omochakano: nakona ogochika gwa kare nakwo ring'ana mwaigwete korwa omochakano.

I John 2:29
Komokomanya ng'a ere nomonyene oboronge, manya ng'a oyogokora boronge oiboirwe nere.

I John 5:19
Twamanyire intwe igatore aba Nyasaye, ense yonsi igeifearansete as'oria omobe.

17. Igoro Y’obogambi Bw’Abanto

Nigo twegenete ng’a obogambi Bw’abanto nigo bochorire na Nyasae, ase obuya na okogania gwekenyoro kia mwanyabanto, Abanachi ebina nigo bagwenerete gosaberwa gosikwa na koigwerwa; otaliga rioka ase amangana are mamincha kw’omonene oito Yeso Kristo. Nere bweka are omenene bw’birengererio, na omogambi oyogocha igoro ya Abaruoti bonsi bense.

Okong’anya 18:21-22
21 Korende ochore abanto abamoirogete Nyasae, abegenwa, abatakorigia riaaki, abaranyare koba abaraai b’abanto b’emeganda elifu, ne rigana, na emerongo etano, na ikomi.
22. Otige barabwo babe bakogambera abanto ebina bia botambe. Ebina ebikong’u birobio bakobirentere, korende ebire ebike babigambe barabwo boka. Ase enchera eyio egurube yao tekoba endito mono, ekiagera barabwo mbayebogorie amo naye.

II Samweli 23:3
Nyasae bw’Abaisraeli okwanire, ere oyore egetare ki’Abaisraeli ontebirie; Oyo okogambera abanto ase Nyasae, nigo anga buna omobaso o mambia asebare, buna erioba rikobara emambia etari namare. Nigo anga buna obonyansi bogokina nyuma embura koyature

Zaburi 72:11
Abaruoti bonsi mbatung’ame ase obosio bwaye bamosike, na abanto b’ebisaku bionsi mbamokerere.

Daniel 3:17-18
17. Aye omoruoti, Nyasae oito, oria togokorera, nanyare gototooria korwa ase erik ri’omorero ekebemberi, na korwa ase amaboko ao.
18. Korende nonya tagochia gototooria korwa asore aye omoruoti, goika omanye ng’a intwe titogwancha gokera chinyasae chiao, gose gosasima omogwekano bw’etahabu, oyio gwatenenetie.

Mathayo 10:28
Nainwe timoiroka abagoita omobere, abatanyare goita oria omoika: kobua moiroke oyo oranyare kobiita omobere nomoika bionsi ase chaanam. .

Mathayo 22:21
Bakamotebia, Nebia Kaisari. Erio agwo akabatebia, Gaki ebia Kaisari moa Kaisari, nebia Nyasaye moa Nyasaye.

Mathayo 23:10
Gose timobaisa korokwa abanene: naki omonene oino noyomo, nere Kristo.

Ogokora 4:19-20
19. Peteroo na Yohana bakabairaneria bakabatebia, Onye mboronge as'obosio bwa Nyasaye kobaigwera inwe kobua Nyasaye, nacha inwe abanyene:
20. naki intwe titokonyara gotiga koyakwana, amang'ana ayatwaroche na koyaigwa.

Ogokora 23:5
Paulo agateba, Tinamanyete baminto ng'a ere nomokuani omonene: naki narikire, Tomokwana amabe omonene bw'abanto bao.

Abarumi 13:7
Bae bonsi ebia boronge biabo: omonto bw'ebango ebango, nomonto bw'ogochoga ogochoga; oyogwenerete okoirokwa oirokwa; oyogwenerete ogosikwa; osikwa.

Abafilipi 2:10-11
10. erinde as'erieta ria Yesu kera riru riringwe, eri'ebinto bi'igoro, nebinto bi'ense, nebire inse as'ense,
11. ker'oromeme rwatore ng'a Yesu Kristo n'Omonene, as'obonene bwa Nyasaye Tata.

Tito 3:1
Bainyorie bakanyeke as'abagambi, nabare nokobua, nakoba nokoigwera, babe ang'e ase ker'emeremo emiya,

I Petero 2:13-14
13. Mwebeke inse ase ker'egiachikirwe nabanto, as'engecho y'Omonene: onye nomoruoti, buna omonene;
14. onye abanene, buna batomirwe nere okobaakania egesiomba abakori amabe nakobatogia abakori amaya;

I Petero 2:17
Basike abanto bonsi. Ancha abamino. Mosike Nyasaye. Moe ogosika omoruoti.

18. Igoro Y’ okobokigwa na okoirana gwa Kristo
N’ayarende ayio

Nigo twegenete na gwancherana n’Amariko amachenu, amo y’okobokigwa, nigo twegenete ng’a Yeso nigo abogete kemobere “Rituko ria gatato korengana na Amariko”, akarina kogenda igoro “ase okoboko gw’okorio kwe ekerogo ki obonene kia Nyasae: , ng’a nere bweka ore “Omokuhani omonene Omonyamabere naende omwegeni kereng’ana na amang’ana a Nyasae” , ng’a Yeso oyio oyio oyogendete igoro korwa ase more, nairane naende ase engencho eyio eyio mwamoorire okogende igoro. “Abukure ase Kristo Mbambooke, na maiso:, ng’a abachemu abare moyo” mbaonchorwa ase ekero, ase okomiamia na koramokia kwa amaiso ase egetureri ki’ omoerio”, ng’a omone Nyasae namwe ere naende ng’a “Kristo nagambe ase emika Elfu ase oborongo goika ababeke ababisa baye insa ase amagoro aye.

• Yeso agacha akaiborwa n’omoiseke omwekungi
• Amamenya obogima botari n’ebibe
• Akagambigwa akonyorekana kere nokomocha
• Agakon’ontera igoro ase omosaraba, agakwa asengecho y’ebibe biaito
• Nyuma ya amatuko atato akaboka korwa ase abakure.nigo tomoganyeta airane igoro ase amare./li>
• We are waiting for his return in the air.
• Nigo arayetabore Ekanisa (Abegeni)
• Emiaka etano n’ebere y’emechando, saitani igo aragambere ase.
• Yeso nigo agocha naende ase enze ase agetunwa kia Nyasae na abarwani booria ore mamincha yak RISTO ase esegi ya Armageddon.
• Yeso okobebe ekerogo kiaye ki’obonene ase emiaka elfu.
• Omoerio bw’emiaka elfu oria saitani asiborwe ase ekero egeke. Abateme abanto abwo baibore ase ekero ekio.
• Omoerio, amakweri naro natugutwo ase Enyancha y’omorero.

Zaburi 72:8
Tiga omoruoti abe okogamba korwa ase enyancha eyemo goika eyende, na korwa ase ensinyo rw’Eufarati goika ase obosio bwaye bamosike.

Isaya 11:4-5
4. Korende nigo arabae abataka oboronge bwabo ase okonacha ebina, tagokora ogwanchereria ase abaitongo b’ense. Naake ense nenyimbo y’omonwa oye, naite abakori amabe nomoika bw’omonwa oye.
5. Oboronge nabwo borabe orokini rw’ekenema kiaye, na obwegenwa bobe orokini rw’okweboeria.

Mathayo 24:27
Naki buna ekomesa korwa mocha yabara gochia bosongo, naboigo korabe ogocha kw'Omwana-o-mwanyabanto,

Mathayo 24:42
Naboigo renda, naki timomanyeti rituko ki agocha Omonene oino.

Mathayo 28:6-7
6. Tari aa, naki obokire buna atebete; nchuo morigererie aase Omonene araire.
7. Na genda bwango, mobatebie aborokigwa baye gote obokire korwa as'abakwete; nere otang'anire asemore gochia Galili: naroro nao moramorore; bono inche nabatebirie.

Mariko 16:9
Kabokire Yesu mambia rituko rie ritang'ani ri'echuma akamoorokera ritang'ani Mariamu Omomagidali, ere oria arusetie ebirecha bitano nabibere.

Luka 1:3
narorire buya nainche, konatiekire kwenyorera amang'ana onsi are boronge korwa omochako, gokorikera as'okoroberia, aye Theofilo bw'amasikani;

Luka 24:2
Bakarinyora riria rigena riatigerigwe are noboina.

Luka 24:4-6
4. Agachia koba ekero baichanete as'aya, rora! abanto babere mbateneine ang'e asebare, beboete chianga chikomekameka:
5. nabarabwo bagasogwa nokoiroka nagotung'ama maumama goika inse, bakabatebia, Naseki mokomorigia oyore moyo as'ebitondo?
6. Tari aa, korende obokire: Inyora buna akwanete nainwe ekero arenge Galili,

Luka 24:39
Rora amaboko ane, namagoro ane, ng'a ninche omonyene: Mbwatabwata, morore; ekiagera rirengari tiriri nomobere namauga, buna mondoche inche inde naro.

Luka 24:51
Agachia koba nkobaseseniare, ageatanana nabarabwo, akabogorigwa gochia igoro.

Yohana 14:3
Kondagende kobaroseria aase, ninchiche naende, nimbaroisie asende; erinde asende inche, nainwe mobeo.

Yohana 20:27
Erio akamotebia Thomas, Reta aiga ekiara kiao, orore amaboko ane; korete okoboko kwao, obeka ase rikere riane: toba oyotancheti, korende oyo bwegenete.

Ogokora 1:9
Erio ochia gokwana aya, ekero barigerereti, akabogorigwa; rire rikamobwata korwa as'amaiso abo.

Ogokora 1:11
bakabora, Abanto ba Galili naki moteneine mokorigereria igoro? oyo Yesu, obogorigwe korwa asemore kogenda igoro, nabo arache omogwekano oyio oyio buna mwamorora akogenda igoro.

I Abakorintho 15:4
naende ng'a agatindekwa, naende akaboka, rituko ria gatato, buna agoteba amariko;

Abafilipi 4:20
Bono Nyasaye, Tata oito, abakwe kare nakare Amin.

I Abathesalonik 4:16
Naki Omonene omonyene, naike korwa igoro neriogi rinene, negeturi kie rilaika rinene, negetureri kia Nyasaye: nabwo bakwete ase Kristo nababoke ritang'ani:

I Timotheo 2:5
Naki Nyasaye noyomo, nomobwatania egati ya Nyasaye namwanyabanto noyomo, ere oyore Omwana-o-mwanyabanto, Kristo Yesu,

Abaibirania 2:17
As'ayio yamogwenerete agwekanigwe buna abamwabo as'amang'ana onsi, erinde anyare koba omokuani omonene omonyene amabera, omwegeni as'amang'ana a Nyasaye, akore okorusia as'ebibe bi'abanto.

Abaibirania 5:9
nere gatiekire goikeranigwa, akaba as'engecho y'ogokonyeka gwa kare nakare as'abanto bonsi baranyare komoigwera;

Abaibirania 8:1
Gaki, as'ayio togokwana, ring'ana rire rinene nario eri: Ntore nomokuani omonene ore buna iga, oikaransete okoboko gw'okorio gw'ekerogo ki'Obonene bw'igoro,

Abaibirania 9:28
naboigo Kristo nere, gatiekire korugwa ekeng'wanso ara rimo, abirusie ebibe bi'abanto abange, eria kabere, atari nabibe, narorekane nabarabwo abamoganyete goika banyore ogotoreka.

Abaibirania 12:2
koniorigereria Yesu, oyochagete okwegena gwaito nagogoikerania, ere oyo as'engecho y'omogoko obekirwe obosio bwaye akayoremereria omosalaba nagochaya obosoku, nere oikaransire okoboko gw'okorio gw'ekerogo ki'obonene bwa Nyasaye.

19. Igoro Y’Emeremo

Emeremo teri mekung’u, nokogenda ase enze yonzi na komorandia Yeso; Oyokwete, Oyotindegetwe, naende oyobogete. Kobabatisa abanto abwo ase erieta ria Tata, Omwana, n’ Omoika Omochenu. Mokoborokereria kobwata aya onsi nabachigete. Na koirore omoroberio oyo kera na kera.

Mathayo 28:18-20
18. Yesu akagenda agakwana nabarabwo, akabatebia, Naeirwe okobua gwonsi as'igoro nense,
19. Gaki genda mokore ebisaku bionsi koba aborokigwa, mokobabatisa as'erieta ria Tata, neri'Omwana, neri'Omoika Omochenu:
20. mokoborokereria koyabwata onsi nabachigete; nainche igande amo nainwe amatuko onsi, goika omoerio bw'ense.

Mariko 16:15
Akabatebia, Genda inwe as'ense yonsi, moyerandie enchili ase ker'egetongwa.

Yohana 20:21
Yesu akabatebia eria kabere, Omorembe obe asemore: buna Tata antomete, naboigo nabatomire inwe.

Ogokora 1:8
Korende namonyore chinguru, ekero obacheire Omoika Omochenu: nainwe namobe abarori bane ase Yerusalemu, nase Boyahudi yonsi na Samaria, na goika chinsinyo chi'ense.

Abarumi 10:13-15
13. naki, onde bwonsi orarangerie erieta ri'Omonene nakonyeke.
14. Inee naki baramorangerie ere bataramwancha? Naende naki baramwanche ere bataramoigwa? Naende naki baramoigwe batari nomorandia?
15. Naende, barandie, batatomiri? Koreng'ana buna arigetwe? Naki are amaya amagoro abo baria bakoreta amang'ana amaya ay'ogokora okuya!

20. Igoro Y’obuya na Okorwa

Okorwa koreng’ana na Amariko nensemo eyemo y’oboroso bw’okwegena.

II Corinthians 8:7
Korende buna more nobonge bw'ebinto bionsi, okwegena, nogwatoka, nobong'aini, nomokia bwonsi, nobwanchani bwaino asetore intwe: nabo, mobe nobonge bw'obuya obo bwonsi.

I Abakorintho 16:2
Rituko rie ritang'ani ri'echuma ker'omonto agache emonga asare, koreng'ana buna ogosesenigwa kwaye, erinde esadaka terugwa ekero nachire.

Abaibirania 7:2
Ibrahimu akamwatananera ensemo y'ikomi y'ebinto biaye bionsi (ritang'ani, as'okoonchora, Omoruoti bw'oboronge, naende, Omoruoti o Salemi, engecho yaye, Omoruoti bw'omorembe;

Abaibirania 7:4
Gaki rigereria buna omonto oyo arenge omonene, ere Ibrahimu, tata oito omonene, amoete ensemo y'ikomi y'ogosakora.

Mathayo 23:23
Obobe, nobwaino, abariki n'Abafarisai, abang'ainereria! ekiagera iga mokorua etaisi y'ebinzari, nekumini, korende mwatiga amang'ana amanene ayogochika, ekina, namabera, nokwegena: naro ayio nabagwenerete koyakora, amo nagotatiga aria.

Inwe renta ensemo ya ikomi eng’ikeranu ase ekungo y’enyomba yane.

Leviticus 27:30
And all the tithe of the land, whether of the seed of the land, or of the fruit of the tree, is the Lord's: it is holy unto the Lord.

“Ensemo ya ikomi…… ebio Omonene.”

Malachi 3:10
Bring ye all the tithes into the storehouse, that there may be meat in mine house, and prove me now herewith, saith the Lord of hosts, if I will not open you the windows of heaven, and pour you out a blessing, that there shall not be room enough to receive it.

Ase okobwatana okoiya ensemo ya ikomi ye koretwa ase e nyumba yaye.

Ogokora 4:3-35
3. Bakababwata bakababeka echela goika mambia: naki konya riabaire mogoroba.
4. Korende abange as'abwo abaigwete ring'ana riria bagancha; nomobaro bw'abasacha igorenge koreng'ana chilifu isano.
5 Goika mambia abanene nabagaka nabariki bagasangererekana Yerusalemu;
6. na Anna omokuani omonene narengeo, na Kaifa, na Yohana, na Iskanderi, nabonsi abarenge eamate yaye omokuani omonene.
7. Bakababeka gati gati, bakababoria, nase nguru ki naende nas'erieta riang'o mogokora aya inwe?
8. Erio Peteroo agaichorwa n'Omoika Omochenu, akabatebia, Inwe abanene b'abanto nabagaka ba Isiraeli,
9. onye tokoborigwa rero amang'ana ay'oria omonto omoreu buna akonywa:
10. manya inwe mwensi nabanto bonsi ba Isiraeli, ng'a as'erieta ria Yesu Omonazareti, ere inwe mwabambete, Nyasaye akamobokia, as'erieta erio omonto oyo otenenire asemore omogima as'obosio bwaino.
11. Ere nere rigena riria riachayetwe nainwe abaagachi, na rirorio riabekirwe koba rigena rinene ri'ekona.
12. Gose tikori gokonyeka as'onde bwonsi; naki erieta rinde tiriri inse as'erioba eribaeirwe abanabamwanyabanto ritogwenerete gotorigwa narirorio.
13. Nabo kobachia korora oboremu bwa Peteroo na Yohana, nakomanya ng'a nabanto batanya kwegera, batari nobong'aini, bagakumia; bakabamanya ng'a igo barenge amo na Yesu.
14. Bachia komorora oria okonyetwe oteneine amo nabarabwo tibarenge nering'ana bare koiraneria.
15. Bakabachika batigere korwa ase ritongo, bagakora ekina,
16. bagoteba, Inki torabakorere abanto aba? naki egekone ekenene giakorirwe nabarabwo, kere maiso marore as'abanto bonsi bamenyete Yerusalemu: gose titokonyara kogekana.
17. Korende ring'ana eri tiricha koranda as'abanto, tobairokie, tibakwana naende namonto onde bwonsi as'erieta eri.
18. Bakabarangeria, bakabatianera mono tibabaisa gokwana, nonya nkworokereria as'erieta ria Yesu.
19. Peteroo na Yohana bakabairaneria bakabatebia, Onye mboronge as'obosio bwa Nyasaye kobaigwera inwe kobua Nyasaye, nacha inwe abanyene:
20. naki intwe titokonyara gotiga koyakwana, amang'ana ayatwaroche na koyaigwa.
21. Nabarabwo, kobabagosire, bakabasibora, tibarora enchera y'okobasiba, as'engecho y'abanto; naki abanto bonsi igo barenge bakomobaka Nyasaye as'ayio akoregete.
22. Naki emiaka yaye omonto oria okoreretwe egekone eke ki'ogokonywa konya okorire emiaka emerongo ene.
23. Erio bachia gosiborwa bakagenda as'abanto baho, bakaborokia chingecho chi'amang'ana onsi batebetigwe nabakuani abanene nabagaka.
24. Nabarabwo bachia koigwa, bakamoakera Nyasaye amariogi abo as'omoyo oyomo, bakobora, Omonene, naye gwakorete igoro nense nenyancha nebinto bionsi bire imeo:
25. Naye ngwakwanete as'omonwa o Daudi omosomba oo, Naseki ebisaku biakorete riroroche, Nabanto barengereirie obokayayu?
26. Abaruoti b'ense bechokire, Nabanene bakorire ekina amo, Igoro as'Omonene na igoro ase Kristo oye.
27. Naki nekeene, Herode na Pontio Pilato amo nebisaku nabanto ba Isiraeli, bagasangererekana igoro as'omosomba oo omochenu Yesu, oyokwabegete amaguta,
28. erinde bakore onsi ay'okoboko kwao nebina biao biare goteba korwa kare aoroke.
29. Korende bono, Omonene, rigereria okoirokia kwabo; obakonye abasomba bao gokwana ring'ana riao as'oboremu,
30. orambore okoboko kwao kogwenia; ebikone nogokumia bikoreke as'erieta ri'omosomba oo omochenu Yesu,
31. Goika bagachia gokora gosaba, aas'aria basangeierekanete, agatengechigwa, bonsi bagaichorwa n'Omoika Omochenu, bagakwana ring'ana ria Nyasaye as'oboremu.
32. Nomoganda bw'abanto abanchete igo barenge enkoro eyemo nomoika oyomo: gose onde tarenge nonya nomo oregoteba ng'a gento kende gionsi eki arenge nakio nenibo yaye omonyene; korende igo barenge nebinto bionsi obomo.
33. Nabatomwa bakaorokia amang'ana okoboka kwaye Yesu ase chinguru chinyinge. Obuya obonge bokaba igoro asebare bonsi.
34. Gose tarenge omonto nonya noyomo as'egati yabo, oyorenge nokoremerwa: naki abanto abarenge nemegondo gose chinyomba igobabigorete, bakareta rigori ri'ebinto biria biagoretwe,
35. bakabibeka as'amagoro abatomwa: ker'omonto akagaberwa koreng'ana nokorigia kwaye.

Ogokora 4:37
narenge nomogondo akayogora, agachireta chishilingi agachibeka as'amagoro abatomwa.